وزن بنتي نااااقص

جربي أعطيها سيريلاك السيريلاك ممتاز ويسمن
وبرضو إهرسي لها موز وخففيه بشوي ماء الموز برضو يسمن وحده باليوم كفايه
وحتى لو تقسميها نصين نص الظهر ونص المساء
والتمر يا إختي كثير أطباء ينصحو بالتمر خوذي كم حبه وإهرسيهم وتعتبر وجبه
مفيده ومغذيه وتسمن مع الحليب
وممكن زبادي وتمر برضو تخلطيهم مع بعض
والسليق إذا تعرفينه ممتاز للصغار ويسمنهم
وإذا شهيتها مره مقفله لازم تعرضيها ع الطبيب يصرف لك فاتح شهيه
ويصرف فيتامينات تساعدها وتعوضها عن النقص
لإنها بمرحلة نمو والتغذيه جدا مهمه
وبرضو فيه سيريلاك بالرز وسيريلاك بالتمر وبالفواكه
والطفل يا إختي ماتخلينه على كيفه يعني لازم تتحايلين عليها
وتشغلين لها محطة آطفال حتى تتلهي فيها ولازم أنتي بنفسك تأكلينها
ومرحلة تأكيل الطفل تاخذ وقت وجهد والله عن نفسي أتعب وأنا آتحايل وأهرج
حتى يتكرم وياكل يبغالها صبر شوي الشغله مو لما يرفض خلاص تشيليه
لا لازم تتابعين وتلزمين

المعذره إختي أنا لخبطت بعمر بنتك على بالي ٨ شهور عمرها :)
وأنا أنصحك بالسيريلاك !!
ع العموم لازم تهرسين لها خضار وصدر دجاجه مسلوقين مع رز مسلوق
أو رز وزبادي وبرضو باقي الشغلات إلي نصحتك فيها موز وتمر وسليق
ومثل ماقلت لك لازم تتابعينها وتطولين بالك وإذا رفضت إعرضيها ع الطبيب
والله يسهل أمرك

ترى وزنها ضمن الطبيعي ؛ما شاء الله تبارك الله ؛أنا بنتي كان وزنها نفس بنتك الحين بالمتوسط وعندها سمنة هذاني اخبي الحلويات عنها ؛قل وزنها مهوب مشكلة ؛المشكلة لو كان وزنها ما يزيد ؛أما إذا كان يزيد لو زيادة قليلة فالحمد لله هي بخير وصحة وعافية ؛زيدي لها الفواكة والخضروات حتى لو ما سمنتها تفيد صحتها 

والله يخليها لك ويصلحها

زبدة الفول السوداني _ سيريلاك الرز_الموز_البيض

جدااااااااا مفيده وراح يزيد وزنها لو دخلتي هذي الاكلات بين الوجبات الرئيسيه

وبدياشور لاتعطينها الا مره قبل النوم لانه ثقسل وممكن يسد شهيتها لكثرة الفيتامينات فيه

نفس ححاله بنتي ماتاكل ابد واكلها خفيف ووزنها اتوقع ٩

تعبتني حيل عمرها سنه واربع شهور