وزن ولدي مو راضي يزيد .... اتعبني معاه

اخواتي انا ولدي الله يحفظه كمل 7 شهور وماشي اللحين بالثامن بس والله كل من شافه ينصدم ويحسب انه عمره اربع شهور لدرجه باقي البسه مقاس من 3- 6 شهر بس الحمد لله صحته كويسه وما عنده اي مشاكل
راح اعطيكم نبذه عنه عشان تقدرون تساعدوني
انا لما جبته كان اصلا مره صغير وزنه بس 2 كيلو بس وجلس يرضع مني حوالي 5 شهور مع الرضاعة الصناعية لحد ما بطل من نفسه لما صرت اتأخر بالدوام
لما كمل اربع اشهر صرت اعطيه سيميلاك الصحة وجلس عليه لحد ما صار عمره 6 شهور بعدين غيرت لسيميلاك القمح والعسل وصرت اعطيه وجبات ثانيه زي الزبادي وبسكوت الاطفال واحيانا وجبات الاطفال اللي من الصيدليه
وطبعا الحليب مقاس 120 مل وبالعافيه يكمله ولما يرضع احس اغلب الحليب يرجع من جوانب فمه لان شكله عنده احتقان بالحلق واستخدمت له المضاد الحيوي ولسى نفس الحاله
انا اول كنت اعطيه سيميلاك ادفانس وبعدين غيرته لي الدكتوره من حوالي شهر الى رونالاك2
بنات الله يرضى عليكم ابغى حلول مجربه ونافعه وبعدين ياليت تعطوني نظام غذائي ينفعه يكون من الساعه واحده ونصف ظهرا ( موعد رجوعي من الدوام ) لحد الساعه 11 مساء موعد نومه
لأن وقت دوامي يكون عند الشغاله ومهما سوت ما ادري هي تعطيه بانتظام ولا لا
والشئ الثاني انا استخدم له زيت كبد الحوت وحركته حلوه ما شاء الله وبدا يحاول يحبى والدكتور صرف له فيتامين اسمه ريافيتا بس احسه ثقيل عليه وما يستسيغه

انا في انتظار افادتكم ابغى وزنه يزيد لو شوي والله فشله هالولد ينطلع به قدام الناس اضافه الى انه قصير كمان فزاد الطين بله
مع العلم وزنه اللحين فقط 5 كيلو وطوله 61سم فقط