وزوجي تغيره المفاجي بينخرب بيتي ابغا استشارتكم

السلام عليكم
كيفكم يابنات ابغا استشيركم ومو عارفه ايش اسوي
متزوجه من ٦ سنوات عندي طفلين
حياتي مثل اي حياه هاديه وحلوه احب زوجي ويحبني مافي مشاكل تذكر عادي حملت بطفلي الثاني وزوجي كان مرا مبسوط من اخر حملي لاحظته تغير من صار يوصل بكريم ويلعب ببجي ولدت وطلعت الاربعين رفض ارجع بيتي وكله مشاكل انا وياه مايبغاني ارجع وجلست شهر زياده لانه ضغطني اجلسي ومن رجعت ابدا ماقرب لي ولا فكر حتى يقول مشتاق ولا شي وانا بوقتها مالي خلق اقول احسن 😅💔 هههههههه لاكن بالصدفه شفت اتصال بجواله وهو ارتبك وشكيت بالوضع بس سويت حالي مو مركزه كان مسجله باسم ولد وفتحت جواله ودخلت الواتس الا طلع بنت ورحت زعلت عليه وناقشته قال انا غلطان وان هذي تعرف عليها باللعبه ببجي الزفت وانه موظفه بالاتصالات الموهيم رقع الموضوع وبعد فتره فتحت جواله طلع مغير رمزه وعرفته بدون لايدري وفتحت ولقيت بنات وش كثر يرسل لهم كله كلام حب وغرام وبعد فتره صرت الاقي مناديل مفرغ شهوته ولا يقرب لي وزعلت عليه وقال وش اسوي غصب عني هي تغريني وانه حذفت رقمها ومدري كيف وزعلت بس هو اعتذر وقال انا خبرتك لاني ندمان لاكن ي بنات فجئه صرت الاحظ معاه ريحه بحثت بالنت يقولون ريحة شراب مدري صرت اشك فيه من كل شي ومتغير مهمل مهمل ولا يهتم لنا ولا يجلس بالبيت بس يجي ينام ويطلع ماني عارفه وش اسوي لو تكلمت عصب علي وصراخ وتصير هوشه من كلمه بس مرا كنت طالعه وتاخر ماجاني للفجر اتصلت عليه مرتين من ركبت السياره فتح محاضره ليه تتصلين والحين بنزلك لاهلك ومشكله لانه قاعد يلعب ببجي وانا ازعجته واشياء كثيره مادري وش اقول وش اخلي بس جد تعبت وافكر اروح لاهلي بس انا ماحب اكبر المشاكل 😭😭 طبعي كذا وربي مرات يقول لي ليه ماتزعلين وتروحين اهلك صرت افكر اتطلق بس اقول كيف اخرب بيتي ع فتره والله ماني عارفه وش الحل ساعدوني 😭💔