بنت ناس رقة واحساس :)

الله يحفظ لك اولادك ويثبت حملك وييسر ولادتك

صح كلامك لازم الوحدة تتوكل على الله

مايكفي الجهد البشري لازم من الثقة بالله

يارب تكون عند حسن ظننا فيك يالله

إذكري الله يابنت الحلال ..
وبعدين هذي الوساوس مو بس انتي اللي تحسين فيها والله أتوقع كل الحوامل كذا وانا أولّهم هههههههه

بس انتي توكلي على الله .. وإبعدي عن المحظورات ..

إلتزمي بتناول الفيتامينات والحبوب اللي تعطيك الدكتوره
إبعدي عن المُسهّلات بأنواعها والقرفه والرشاد والحلبه لأنها تسهل الولاده وأظنك عارفتها ..

المطبات وحركة السياره العنيفه مو زينه تأثر عالجنين وتتعبك ..

أما السمك والشاي مايضرون ..

لكن الشاي يمتص فايدة الأكل بس .. عشان كذا إشربيه بعد الأكل بساعه او ساعتين .. ولاتكثرين منه .. أو إستبدليه بالشاي الأخضر ..

وتوكلي على الله وإستودعي جنينك ومايصير الا اللي ربي كاتبه ..

وشكرن

حبيبتي توكلي على ربك والي كاتبه ربي بيصير لاادوية ولا حركات ولا اي شي ينفع ولايضر الا باامر الله..

بخصوص الشاهي والحديد من تجربتي ولكن مدري للحين هو زي مااعتقد او لا
طول حملي الهيموجلوبين 12 الحمدلله وماكنت اصلا اشرب الشاهي لا في حملي ولا قبل حملي ماحبه
بس صرت اشربه باسراف بالسادس يمكن واخذ حبوب الحديد ومع ذلك نزل الى 9 بفترة مرررررررررة قصيرة!!

والحرارة سمعت عن هالشي وكل ماتجيني والله اخاف وعلطووول اخذ فيفادول عشان تخف شوي..

والالترا ساوند دكتورتي تقول لو كل يوم تسويها لي عادي بس للضرورة
اما المعدل العادي يكون مرة كل شهر الى الثامن مرتين بالشهر ومدري عاد بالتاسع وش يصير ان شاء الله..

والحركات عقدوني من اول ماحملت توووي بالشهر الثاني ماحسيت بالحمل صراحة وامارس حياتي طبيعية وانطنط من السرير وكذا
وحتى لما كبر حملي لاتحركت بسرعة او طبيت عالسرير او تحركت يمين ويسار وكذا خصوصا لما اتقلب بالنوم يعقدوني يقولون لي يلتف الحبل السري والحمدلله الدكتورة تقول مافيه مشكلة عالجنين لانه الحمدلله محاط بموية وكيس ورحم وبطن..
حتى لو تنامين على بطنك مايصير شي للجنين الحمدلله..

وبخصوص انك ماتبينه لاتفكرين كذا واحمدي ربك والله يرزقك طفل سليم معافى
ويجي بصحة وعااافية ياااارب..

حبيبتي اول شي غلطانه انك ماتراجعين ....لأن ابسط شي يريحك المراجعه وتتطمننين على البيبي ....
ثاني شي عيشي حملك وانبسطي فيه ولاتسمعين لخرابيط الحريم اللي ماتخلص ابد.......

انا ول عمري ماوسوست بس من سجلت هنا وانواع الوسوسه حتى نوع الجنين ماكان يهمني بس مع عالم حواء انقلبت الآيه 180 درجه وسواس وتجارب وتفكير ...........

الله يقومنا ونونواتنا بالسلامه هذا اهم شي ...........

وتعوذي من الشيطان ....والله يحميكـ.

خلي عنك الوساوس ولازم تتابعين عند الدكتورة اقلها تكونين مرتاحه ومطمئنه على الجنين واحمدي ربك ان الله رزقك الحمل غيرك يتمون الحمل والعيال واستودعيه الله
والله يرزقك الذرية الصالحه المعافاه