الله يشفينا جميعا

رجعت لكم يا اخواتي الحبوبات وكل من تعاني من الوسوسه

قبل لا اتكلم عن تجربتي ابيك تسترخين وتتنفسين بعمق <<<< قالبتها عياده نفسيه ههههه
المهم خواتي صدق بتكلم معاكم
الحين فكري معاي مسوسه لك سنه والثانيه سنوات والثالثه سبع سنوات
سوال وجاوبي عليه بصوت عالي
صار لك شي من اللي وسوستي فيه ؟؟؟
تحقق شي من اللي رسمتيه في عقلك؟؟
لا طبعا
انا عشت مايقارب الاربعه سنوات مثلكم موسوسه صنعت لي مرض وجلست اوسوس وكل يوم اقول بكره بموت اليوم بموت هذي اعراض الموت
المهم ماتهنيت بالفرص الحلوه اللي كانت عندي
كنت اشوف اعلي يضحكون اضح وفي نفسي خوف اقول هم مايدرون اني بفارقهم
اجلس حزينه ولا اذوق طعم اي شي لا اكل لا شرب
غير النفاضه اللي كانت تجيني وانا ناايمه اقوم من نومي الله يكرمكم ع الحماح واسهال
المهم مرت بي السنوات مثل بعض خوف تفكير وسووسه على اصولها
بعدين الحمدلله كانت لي صديقه تعرفت عليها بالصدفه في الحرم
وجلسنا نسولف الين وصلنا لموضوع الوسوسه
تخيلو وش قالت لي خلتني اصحي وانتبه لنفسي
قالت انا لي 17 سنه موسوسه وتبكي تقولي 17 سنه وانا اقول كل يوم بموت
ونفس تقريبا تفاصيل حياتي انها مريضه وانها بتموت
تقول زوجي طلقني قالي انتي مريضه نفسيا عيالها مهجولين
رجعت البيت جلست افكرررر وبديت اشغل نفسي بالقرايه والكتب
بعدها اكتشفت اني انا من كان يصنع ذا الخوف
ايوووه حنا جالسين نوسووس
فكري كذا قولي انا اللي موسوسه انا اللي جبت لنفسي الوسوسه
جالسين نضيع من حياتنا ايام حلوه
صدقوني كنت اقول ليت ترجع السنوات اللي عشتها بهم وغم ووسوسه ابي اعيشها بالطول والعرض
نصيحه مني لكم
لازم تتبخر هذي الفكره من راسكم لازم انتي تقتنعين
ع فكره انا لدرجة اني رحت دكتوره نفسيه قالت لي مافيك ولا حاجه دتني زي الحصان ماصدقتها قلت اهاااااا هذي تبي تسكتين عشان ما اخاف وتركتها وبطلت اروح لها والحمدلله مارحت كان هلكتني بالادويه وتساقط شعر راسي
المهم من هذي اللحظه قومي وبوصوت عالي قولي انا مافيني ولا شي انا موسوسه
واتكلمي عن حالتك بضحك واضحك على نفسك
صدقيني راح تكتشفين انك من جد غبييييييه
جالسين نوهم نفسنا بشي مو فينا لكن استسلمنا للوسواس

انا الحين رجعت طبيعيه ومافيني ولااااااااااشي يارب لك الحمد
طبعا كنت مداومه على الاستغفار الصدقه بالسر
بعدها ربي ريحني وزال الوسواس عني
اغتنمي الفرصه انتي وهيه ولاتتطول معاكم السالفه
صحصحي وفكري بالعقل كم سنه راحت من عمري ماصار شي من اللي وسوست فيه ؟؟؟

طوولت عليكم واعذروني اذا فيه اخطاء املائيه داخله من ايفون ويالله يالله اشووف

جزاك الله الف خير ياالمنهاويه تدرين احنا صرنا اغبى من الشيطان نفسه الي قاعد يضحك علينا ويعيشنا باوهام المشكله ان احنا عارفين انها وسوسه بس ماادري ليه مانقدر نتحكم بانفسنا كل ما قلت اعوذب بالله من الشيطان ووساوسه احس ان في شخص يقولي هذي مووسوسه انتي بتموتي هاليومين واقعد حزينه وافكر ببنتي وش راح يكون حالها من بعدي وانا خايفه زوجي يطفش مني بس وربي غصب عني ما اقدر اتحكم بنفسي احس اني ضعيه... اختي دايم تقولي الي قلبها ضعيف ما تقدر تتخلص من الوسواس اختي جاها وسواس العقيده والحمدلله اقدرت تتخلص منه وبعدها جاها وسواس ان فيها مس وبعد اقدرت تتخلص منه من غير ما تروح لا لدكتور ولا شيخ الحمدلله... الشي الوحيد الي يهون علي شوي اقول لنفسي الله ما ابتلاني الا لانه يحبني *****الله انه هالشي صحيح وانا راضيه ...الحمدلله على كل حال اسفه على الاطااااااااااااله اعذروني ما اقدر افضفض الا لكم

السمووووحه

اناىفيني وسواس الامراض كل يوم مطلعة لي مرض واني باموت وتجيني حالات هلع احس ان روحي تنسحب مني وريجي ينشف وقلبي يدق بسرعه وقبل لا أنام احط يدي على قلبي اقول أخاف يوقف لكن الشي اللي أحاول اسويه مثل مالابو الاخت المنهاوية وفعلا حل رااائع

وانصحج بالتلبينة النبوي يقولون زينة الوسواس انه توني شاريتها وبأذن الله بجربها

الله يشفيج ويعييينج اختي

عن تجربه :

الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُواْ لَكُمْ فَاخْشَوْهُمْ فَزَادَهُمْ إِيمَاناً وَقَالُواْ حَسْبُنَا اللّهُ وَنِعْمَ الْوَكِيلُ
(173) فَانقَلَبُواْ بِنِعْمَةٍ مِّنَ اللّهِ وَفَضْلٍ لَّمْ يَمْسَسْهُمْ سُوءٌ وَاتَّبَعُواْ رِضْوَانَ اللّهِ وَاللّهُ ذُو فَضْلٍ عَظِيمٍ (174)

لو خفتي من شيء أو من شخص أو من حلم أو من فكره سيئه تخطر على بالك أو من أي حاجه

قولي : حسبي الله ونعم الوكيل / حسبنا الله ونعم الوكيل
وجواب الآيه : حصول نعمة وفضل من الله ولا يمسك / لا يمسكم سوء

خليكِ مع الله سبحانه وتعالى بقلبك وفِكرك وعملك وقولك وكلك
يكن الله معاك في كل شيء .