وسط السوق.....لاحد معارفي

تاااااااابع القصيده ...
8
8
8
قلت : الهوى . من طرف واحد !

بالحـب . ياصاحبـي جـاحـد

يالله .. يالـعـالـم الــواحــد

.... تجعله بالحب .. يصفا لـي

قال : انـت وشفيـك متهـوّر ؟

الحـب . ماهـوب متـطـوّر !

دوّر عـلـى غيـرنـا .. دوّر !

.... خلّك لحالك . وانـا لحالـي

ثـم صـدّ عنّـي . وخلاّنـي !

أقفـا . وصـمّـل بهجـرانـي

ماهـوب مـن يمّنـا . عـانـي

.... عـزّي لقلبـي وعـزّا لـي

ألحقـت عـمـري .. وناديـتـه

وقّـف عشانـي .. وانـا جيتـه

لـولا الحيـا . كـان ضمّيتـه !

.... قلت : أنت وشفيك يالغالي ؟

قـام يتلفّـت . يشـوف النـاس

بعيـون ٍ أغـلا مـن الالـمـاس

واللون سود . وطـوال إنعـاس

.... أسود سواد ٍ مـن الشالـي

قلت : أنت من هالمـلا خايـف ؟

قال : انت وش رايك إش شايف ؟

أحدن يطـوّف . وأحـد طايـف

.... والاولـي .. يتبـع التالـي

قلت : انت وشلـك بهالشوفـه ؟

بعـض المخالـيـق . ملقـوفـه

لا رحمـةٍ بـك .. ولا روفــه

.... هالناس بالحب .. جهّااالـي

عطـنـي يميـنـك وساعـدنـي

وبالوصـل ؟ يازيـن عاهـدنـي

تـراك بالجـوف .. لاهـدنـي

.... أجبر جروح ٍ بـرت حالـي


وسلامتكم...

أختي بروووق **حياك الله*أنا قرأت لك ويعجبني إختيارك000إذا كان بحدود الشرع

أما هذي القصيده ولو أنها لأحد معارفك فإسمحي لي أنها مخالفه لأوامر الله عز شأنه000

ولولا الحياء كان ضميته!!!!!!!!!!! ليه وين حنا فيه0

قام يتلفت يشوف الناس!!!!ياناس ووين رب الناس
الإنسان إذا ماراقب الله بأعماله فمن يراقب00


والله أمرنا بغض النظر00فالشر كله من النظره00ووالله لم ينهانا مولانا عنها إلا لخير00
***
أما إن كانت من نسج الخيال فهي تدعو إلى الباطل00والله المستعان


إعذريني وليعذرني قائلها00

إختك شعور