وسعوووو صدوركم بهالقصايد

يـسعـد لـي الـنـبــرة إلـلـي هـبـلـت فــيـنـي
مـنـهـا (ألــو) غـيـر ما كـانت عـلى بـالــي


عـلـى كـثـر مـاتـقـال بـسـالــف سـنـيــنــي
يادوب جـربـت (ألـو) بإسلـوبهـا الحــالـي


بـإسـلـوب شـامـي تسـرب فـي شـرايـيـنـي
كـنـهـا تـجـي قـبـلـهـا بـإسـلـوب منهــالــي


قـالـت : مـحـمـد ؟ وقـلـت البـنـت تعـنـيني
وأســـوق فـيـهـا ذرابــة : إيــة ولـحــالـــي


تـلعـثـمـت قـلت : خـير ؟ وقالت : إعـفـيني
بـس هـيـدا مـش صـوته لمحمد إبـن خـالي


واقـول فـي خـاطـري : لحـول من زيني !
عـشــان (ســوريــة) تـغـلـط بـجـــوالـي !!


مـن جد مقـرود . قالـت : شـو بـتـحـكـيـنـي ؟
رديــت : لا تـشـغـلـيـن الـبـــال بـأقــوالــي


بـس أطـلـبـك شـي مـمـكـن ؟ لا تــرديـنــي
قـالـت : شـوبـدك ؟ وقـلـت : (بلـيـز كرمالي)


قــولــي لإبــن خــالـك مـحـمـد يـراعـيـنــي
ويـغـيــر الـرقــم قـبــل تـدحــدر أحــوالـــي


***********************************************


البارحـه كلمتنـي بـنـت مبلـيـه
ومعاملتها صراحـه معـي حيل تعبانـه

قالت كيف الحال قلت اهليـن يابنيـه
قالت بغيت البنـات قلـت غلطانـه

قالت تمـزح قلـت احكـي بجديـه
انا رجل والرجـل ملـزوم بلسانـه

قالـت بـلا دلـع رح نـاد بدريـه
وان كانت نايمـه صـوت لسلطانـه

قلت الحقيقـه تـرا حنـا عزوبيـه
والكل منا يابنت النـاس فـي شانـه

قالت بسولف معك لو تسمح شويـه
تراي قبل اتصل بـك كنـت طفشانـه

قلت اهرجي زيـن وصفـي النيـه
وانـا بسولـف معـك بنيـة زانـه

قالت تحب قلت احب اللي حواليـه
احب ربـي ثـم الكنـق واخوانـه

واحب ديني واحب اراضي السعوديه
محبـة ماعطاهـا الخـل خـلانـه

قالت بضحكه وش باخلاقك تجاريـه
اصلا يوم اسولف كنـت خسرانـه

انت بـدوي ماتعلمـت الرومنسيـه
انـت بـدوي حياتـه مالهـا خانـه

قلت اسمعي زيـن كانـك طبيعيـه
ولكن اظنك يابنت النـاس سكرانـه

حنـا بـدوا بـدوا لاثـارت الهيـه
نثبت لا عـارض البـارود دخانـه

حنا بدوا ولياكوينـا ننضـج الكيـه
يفرح بنا من وخذت ذوده وحيرانـه

حنا بدو ليانكشـف ستـر السنافيـه
يفخر بنا اللي يشوف الضيم بعيانـه

ياللـي تقوليـن بـدو اقـول يابنيـه
الاصل حنا وعـز البيـت سيسانـه