وسواس الحمل بولد

واذا تعرفون دكتورات بالخبر والدمام ممكن يساعدون في متابعة التبويض لترجيح الجنس اكتبو لي بالله

هلا عمري
اولا الله يرزقك بالولد بس عمرك لاتحسسين بناتك انهم ثقل او عبء عليك حتى انتي لاتحطين العبء على نفسك عشان زوجك قال انه يقدر يجيب دامه ماكشف على نفسه..
ومهما صار فالله مختار لكم وكاتب لكم وش بتجيبون من قبل لاتتزوجون وريحي بالك وضميرك ووكلي امرك لله وتفائلي وبيعطيك
لاتخلين كلامه يأثر عليك

توسوسين ليه ؟ ترا تحديد الولد و والبنت من عنده هو يجي يصيح عليك وهو الاساس خير !!!
انتي الي عليك سويتيه وما قصرتي
صح فيه دكاتره يعطون نظام لكن قبلها بتقول لك ولزوجك احنا نسوي حدود 20٪ فقط والباقي عند الله علمه
اذا صار وسواس بزياده لا تهملين نفسك واجعي طب نفسي ها الشي ياثر عليك و على بناتك حتى 💔

الحين اهو مو عنده ولدين؟ شيبي بعد؟؟ استغفرالله مادري شفيهم البنات ادري انه طبيعي اللي عنده بنات يبي اولاد واللي عنده اولاد يبي بنات و اهو عنده الاثنين!! سواء منج ولا من غيرج بعدين مثل ما قالت الاخت اللي فوقي اهو يحدد لان كروموسوماته x and y و احنا الحريم x and x بعدين كله خير من الله!!! وانتي لا تصيرين ضعيفه و تسكتين داحريه وذا بنت ثالثه شصير بالدنيا عنده اعتراض قوليله اعترض على قضاء الله و قدره؟؟ مو تطلع حرتك فيني وانا مالي ذنب!!! ولو انا توني طالعه من الاربعين و يسمعني كلام يسم البدن عادي اطنقر عليه سنين ولا احمل لين يعتذر و يتعدل ويغير تفكيره المتخلف الجاهلي و يحمد الله على ما اعطاه باجر محد يشيله الا هالبنات

وانا بحملي هذا اول حمل لي بعد سمعت كلام من خالاتي يارب يكون ولد!!! قتلهم ليش يعني شفيها البنت انتوا ماكنتوا بنات؟؟ و احنا وين عايشين بعصر الجاهليه بسم الله هذي بجري طلعت بنت اللهم لك الحمد مثل الوردة و كلمت زوجي لو يبت بعد بنت و بعد وراها بنت شنو بصير يعني بظل احمل لين اييب ولد ماجنهم هالبنات ارواح و بشر!!! قال لا نكتفي والحمدلله.. قوليله مردك بتموت و عيالك يكبرون و يموتون بعد عمر طويل ماكو شي يفيدك الا (ولد صالح يدعو لك) و الولد يشمل الذكر و الانثى.. و الحين انتي حملتي و خلاص قولي يارب الصحه و العافيه و يارب يرزقج اللي يسرج من الولد

الله يرزقك الحمل بالولد سليم معافى تام عاجلا غير آجل..البنات نعمه من أجمل نعم الله🥹🥹