لو سمحتوا انا عندي مشكله وابيكم تنصحوني باي حل
مشكلتي هي وسواس الوضوء والصلاة
واكثر شيء متعبني الصلاة
الوسواس هذا جاني قبل كم سنه ( جاني بالنظافه والحمدلله صرت اتعمد اجلس بغرفه محيوسه لين انكسر الوسواس وراح وجاني بالافكار وصرت اجيب فكره معاكسه وراح ) لكن وسواس الصلاة والوضوء تغلبت عليه فتره بعدين رجع لي مره ثانيه!
مشكلتي بتكبيرة الاحرام اجلس اعيد فيها واعلي صوتي واذا اقتنعت انها كامله جاني الشك بعدد الركعات ولا بالتسليم ومعد اقدر اخشع ! يعني كل تركيزي باركان الصلاة !
واجلس اعيد بالصلاة نص ساعه او ساعه
المشكله لما اصلي السنه عادي اخشع ولا افكر بشي وارتاح واطممن !! لكن بالفروض اتوتر كثيير لدرجة من شدة تركيزي يضيع نفسي وبس تركيزي ان الصلاة تكون كامله ! احس اني كاني انسان الي بالصلاة ! لا خشوع ولا دعاء !
انا تعبت كثثثير وابكي على حالي كثير يعني الى متى حالتي كذا ! ادعي ربي بالشفاء اتحسن اسبوع واصير اسعد انسانه بالكون لما اصلي ولا اعيد لكن بعد اسبوع ترجع معاناتي !
أمنيتي اصلي بهدوء وبعد الصلاة اجلس على سجادتي واستغفر ! اغبط اي وحده ماشاء الله تستغفر بعد الصلاة ! انا اذا خلصت اطلع من الغرفه عشان ما اعيدها !
ومعاناتي برمضان اكبر واكبر !
انا ما اقدر اتواصل مع طبيبه نفسيه !
وتراني محافظه على الاذكار ومحصنه نفسي !
بس نفسي من الداخل مرهققه وحزينه ابي اصلي زي الناس !
ارجوكم انصحوني او ادعوا لي
استغفري كثير و ادعي الله عز وجل هو الشافي المعافي.