HMFZ @hmfz

محررة

وسواس العين

السلام عليكم ورحمة الله وبركاته. اليوم حبيت ادردش معكم شويه بموضوع منرفزني ومهبلبي:eek: العين وما ادراك ماالعين وسواس اجتاح اغلب البشر وشماعه علقت عليها اغلب الاخطاء انا ايقن بان العين حق وانها واقع عن جابر قال قال رسول الله صلى الله عليه وسلم : العين تدخل الرجل القبر و تدخل الجمل القدر ومافيها شك لكن موكل شي نقول عين وحده مالها نفس تذاكر وينزل مستواها تقول كنت شاطره بس جاتني عين تحسبين العين سهله اعراضها كثيره ومتعبه جدا انا تنرفزت من بعض الناس وبذكر لكم قصص واحكمو انتم هاذي عين ولا وسواس مره كنت عند اقاربي وكان عندهم نونو سالت امه قلت ولدك ماشالله ينام في الليل قالت ايه الحمدالله ينام قلت زين ماشالله نفس بنتي الله يحفظها دايم تنام بالليل وماتزعجني لاحظو ذكرت الله وانا اسألها اعرفها توسوس من العين وشوي بالليل تدق على اختها وتصيح او صوتها يوحي بانها على وشك الانهياروهيه ساكنه فوق اهلها وتقول وليدي مو راضي ينوم فلانه اللي هو انا عطته عين تكفين خوذيه مااني قادره اتحمل المهم وتنزله الا والولد دايخ نوم بس هيه خلاص من يوم سألتها وسوست وقالت ولدي مستحيل ينام وما امداه الولد تاخذه خالته الا وينوم ويجي من بكره الا امها تناديني وتقول فلانه ياليت تقرين على الولد اذكار المساء انا هنا وصلت حدي:22: والله لو تعوق من سؤالي او مات او مرض او انا ماذكرت الله كان اقول معهم حق بس الولد مافيه الا العافيه وقصه ثانيه بنت الله يذكرها بالخير كانت بشرتها حنطيه وتقولي انا كنت بيضاء واهبل بس جتني عين غيرت شكلي:eek: ووحد من زميلاتي ايام المدرسه لاحظو من الصغر الوسواس في بعض الناس اذكر كنا بالابتدائي كانت في الفسحه تاكل فسحتها واذا بنت ناظرتها تنتظرها ال ان تخلص اكلها وتروح تشرب او تاكل من ورها وتقول اخذ من اثرها عشان العين دليل البنت ماخذه الوسواس بالوراثه لانها كانت طفله بس تشوف اللي حولها ومره وحده من قرايبي عندها بنات ووحد من بناتها حلو شوي لاحظو حلوه شوي بالعربي احلى من اخواتها يعني حلوه مقارنه باخواتها فقط وقلت ماشالله بنتك ذي احلى وحده شوي ويتغير وجهها وتقول معليش تقرين على بنتي اذكار المساء قلت اقري عليها انت قالت الله يخليك اقري عليها ووجهها منصفق تقولين ان ذابحه بنتها رغم بنتها ما جاها الا العافيه وعندي قصص كثيييير لو اتكلم مابسكت سرت بعدها امسك لساني وما اجامل او امدح او اسأل اخاف من وساوس الناس اترك التعليق لكم

يلزم عليك تسجيل الدخول أولًا لكتابة تعليق.

تسجيل دخول

بياض الثلج 90 • 12 سنة

معاك حق هذي الايــام صاروو الناس مدري كيــــف الله يهديهم خلو العيــن شماعه يعلقوو فيها كل شي مو عاجبهم أوماجا على هواهم

مالكة النجوم • 12 سنة

هههههههههههههههههعههع

الله يعطيك العافيه صادقه بكلامك والله صرت اخاف اقول او امدح بشي عشان وسواس العين

صارت الوحده لماتكح بعد مناسبه قالت اوووه اكيد جتني عين

الله لايبتلينا
العين مو انك تكوني بيضا وتطلعي حنطيه كذا عبط

لا العين اقوى من كذا وتؤدي للموت يعني مثلا وحده بيضا واظهرت مفاتنها بزياااده بمناسبه معينه وصابتها عين قوويه الي قال عنها المصطفى اللهم صل عليه وسلم مو تقلب حنطيه لاالالا يجيها سرطان او مرض قوي لدرجة الغيبوبه ثم الموت شوفو محاضرة الجبيلان عن العين
عشان يفهمون الموسوسات

مو العين القويه تؤدي لمرض قوي ثم موت الا اذا تعالج عند قراء الرقيه وكتبله ربي الشفا

مو بيضا بعدين تقلب حنطي ولا كانت نحيفه تهبل بعدين صارت متينه وتقول عين

العين حق الله يجيرنا منها

وجهة نظري تقبلوها بصدر رحب

HMFZ • 12 سنة

مالكة النجوم يعطيك العافيه شرحتي اللي ماعرفت اوصله ان العين اعراضها قويه مو اي شي عييييييين

HMFZ • 12 سنة

بياض الثلج نورتي موضوعي

نخلة مثمره • 12 سنة

مالكة النجوم :

هههههههههههههههههعههع الله يعطيك العافيه صادقه بكلامك والله صرت اخاف اقول او امدح بشي عشان وسواس العين صارت الوحده لماتكح بعد مناسبه قالت اوووه اكيد جتني عين الله لايبتلينا العين مو انك تكوني بيضا وتطلعي حنطيه كذا عبط لا العين اقوى من كذا وتؤدي للموت يعني مثلا وحده بيضا واظهرت مفاتنها بزياااده بمناسبه معينه وصابتها عين قوويه الي قال عنها المصطفى اللهم صل عليه وسلم مو تقلب حنطيه لاالالا يجيها سرطان او مرض قوي لدرجة الغيبوبه ثم الموت شوفو محاضرة الجبيلان عن العين عشان يفهمون الموسوسات مو العين القويه تؤدي لمرض قوي ثم موت الا اذا تعالج عند قراء الرقيه وكتبله ربي الشفا مو بيضا بعدين تقلب حنطي ولا كانت نحيفه تهبل بعدين صارت متينه وتقول عين العين حق الله يجيرنا منها وجهة نظري تقبلوها بصدر رحب

هههههههههههههههههعههع الله يعطيك العافيه صادقه بكلامك والله صرت اخاف اقول او امدح بشي عشان وسواس...

والله الناس صارو تفكير باااااايخ كل شي قالوا عين عطونا عين
ياختي يفكرون ربي ماعطاى نعمه الا هم
اذا تبين نصيحتي خلاص لاتمدحين احد وحتى لو ذكرتي الله الناس يقولون عينك حاره