وشبت ناااار الغيره في بيتنا؟..

السلااااااام

سمعوا انا على طول ببدا من دون مقدمات لأني بموت الحره :D ولا تزهقون لأني بقول القصه بالتفصيييييل...

شوفوا انا لي اخوان اثنين وهم الكبار وهم متزوجين وحنا البنات 4 وحنا الصغار وانا اكبر وحده في البنات انا علاقتي مره قويه بزوجة أخوي الكبير وطبعا هي طيبه وحبوبه وماتعتبرنا انا واخواني الا اخوانها وعلى امي وابوي شي عظيم يعني الكل يحسد امي عليها ..طبعا بعد ماخطب اخوي الصغير هي اللي كانت تروح مع امي السوق وتشري الهدايا لزوجته وهي اللي اختارت اثاث غرفتهم واثثتها افخم اثاث ولا كأنها الا غرفتها ويوم قرب العرس كانت تكلم زوجته وتقول مااوصيك على حماي تراه مثل أخوي واكثر واخوي نفس الشي كان يقول لزوجته اذا جيتي بيتنا لاتستغربين من زوجة أخوي تراها اختن لنا لكن مالفرق بينا وبينها الا الغطا عموما يوم عرس اخوي قامت في ذاك العرس اكثر من خوات العروس حتى كانوا يظنون انها وحده من خوات العروس عموما بعد زواجهم كانت هي مع زوجته سمن على عسل , للمعلوميه ان مرت اخوي الكبير ساكنه في الخبر يعني ماتجي الا مابين اسبوعين شهر..المهم مرت اخوي الصغير غيوره بزياده بعد زواجهم بسنه بانت على حقيقتها اخوي اللي كان يجلس معنا ويطلعنا تغير الأخت صارت تغار منا وما ترضى له يطلعنا واذا جا اخوي الكبير ماترضى له يجلس مثل الأول يسولف مع زوجته وطبعا مرت أخوي الكبير لاحظت ان اخوي تغير ..المهم في يوم من الايام مرت اخوي الكبير مسويه عزيمه كبيره عندنا في منطقتنا رحنا العزيمه الا مرت اخوي الصغير ماراحت طبعا ذيك على نياتها زعلت ليه ماجات مرت حماي راحت بتكلمها وبدال ماتكلمها كلمت اخوي طبعا ذيك شبت جلسنا شوي الا تدق مرت اخوي الصغير على مرت اخوي الكبير وتقول لها انتي بأي حق تكلمين زوجي طبعا المسكينه انربط لسانها سكرت وتضايقت طول العزيمه وقامت تصيح من القهر وتقول هذا جزاي اللي مكلمه ابيها تجي خلصت العزيمه وجينا البيت وذيك نايمه يوم جا اليوم الثاني انزلت مرت اخوي الصغير مبكر وقامت تهذر فوق راس امي وامي مطنشتها طبعا هي تنتظر مرت اخوي الكبير تنزل ماصدقت على الله انها انزلت وقامت تقول لها شوفي انا في قلبي عليك حره من زمان وودي اطلعها وقامت تقول لها انك اذا جيتي عندنا تاخذين راحتك بزياده تكلمين زوجي عادي تسولفين معاه عادي وهذا مو من حقك اذا طلبت منك شي تطولين صوتك متعمده علشان يسمع تناولينه الشي عادي وهذي ماتدل الا على قلت ادبك وانتي لوانك تربيتي كان ماسويتي كذا طبعا ذيك تضايقت مره وقامت تصيح وردت عليها وقالت صحيح اني اسولف معاه لكن بحدود انتي موشايفتني كاشفه وجهي له كل شي بأدب اسويه ولله الحمد طبعا في نفس اليوم راحت مرت اخوي الكبير الخبر وخلاص كرهت تطب بيتنا بسبتها وقالت لأمي مو تزعلين ياامي لكن شسوي مو قادره اتخيل ان احد يهزئني لهدرجه كلم ابوي وامي واخوي الصغير مرت اخوي وقالوا لها مسحيها في وجهينا وماعليك منها وانتي عارفه قيمتك عندنا..المهم مرت اخوي الصغير راحت انكرت كل الكلام اللي قالته لأن امسكتها امي وقالت لها مرت حماك ورافعتكم فوق راسها وهذا جزاها قالت لا ابد اساسا انا ماهزأتها بس نصحتها نصيحه وقلت لها لاتزعلين وهي اللي كبرتها حتى الحين ماصارت تعطيني وجه ولاتسولف معي يعني الحماره مخليه نفسها بريئه بعد اسبوعين انزلت مرت اخوي الكبير عندنا طبعا كانت متغيره مو على عوايدها معتبره نفسها ضيفه كل بسبة ذيك خايفه منها اليوم الثاني كنا مجتمعين عند جدتي والكل يجي يسأل شفي مرت اخوكم الكبير مو على عوايدها وجها اصفر متنرفزه وكأن فيها الصيحه وخواتي اطفال مايدرون وشي السالفه يقولون مافيها شي وانا وامي نفس الشي نقول مافيها شي طبعا كان من ضمن الموجودين بيت جدتي ام مرت اخوي الصغير طبعا امها نفس طباع بنتها اذا قامت مرت اخوي الكبير تسوي شي على تأشر لبنتها تقول لها قومي لاتصير احسن منك ولا بعدين يوم جا اليوم الثاني تقول حق امي شفتي وش سوت مرت ولدك الكبير حتى وهي تصب القهوه خطرت امي وطبعا هي كذابه اساسا هي ماخطرتها هي عشان تخطر امها وتقول اني كنت بتأسف منها لكن ماعطتني وجه..
اللحين مرت الكبير تقول علموني وش اسوي موقادره اخذ راحتي اذا جيت عندكم وزوجها يقول لاتكبرين السالفه وطنشيها..

اتمنى اني مازهقتكم واتمنى انكم تساعدوني باآرائكم يعني بمعنى اصح ساعدوا مرت اخوي الكبير شتسوي..


وبكون شاكره لكم .. :27: