صبحهم بالخير ومسهم بالرضا والسعادة ..
روى الخطيب عن ابي هريرة انه قال : ( استكثر من الناس من دعاء الخير لك فان العبد لا يدري على لسان من يستجاب له او يرحم )
شفتوا هالكلام الي فوق هو الي شجعني انزل موضوعي ولا وجهي مهوب وجه فلسفة وشكاوي .. يعني يا كثر الي يقول يا مصلتك انتي وموضوعك:42:
المهم وانا اتصفح القسم قلت بنفسي ياااالله يا كثر مشاكل خلق الله
الي تبي تعرس والي رجلها اعرس عليها ولي لها مصيبه مع اهل زوجها والي تبي الحمل والي تتمنى الطلاق ...... الخ
صدق ما يبد على خلق الله الا الله سبحانة
واستغرب من بعض البنات اذا نزلت وحده موضوع تبي توسع صدرها وتفضفض يا تبي دعوه يا تبي حل تلقيناها اول مره تشكي بحياتي وتكتب الموضوع وهي ترجف وجايتها نفاضة وام الركب
الا ذيك طابه ببطنها وتجرح فيها احس لسان حال صاحبة الموضوع يقول ليتني ما نزلت موضوع وفشلت نفسي ياليتني خليتها بقلبي تردح ولا طحت بهالملسونة
مالكم بالطويله انا فتاه عازبة على مشارف الثلاثين اقدر الحياة الزوجيه مهوب حب فيها عشان مجتمعنا ما يرحم و من باب استكثر من دعاء الناس بالخير لك
ادعولي بالزوج الصالح عاجل غير اجل وان الله يصلح حالي وحال بنات حواء
اللهم اجعلنا واياكم من الاحبة فيه ورزقنا دعوه صالحة مستجابة وفي ساعه يتنزل فيها ارحم الراحمين
الا على طاري ما يرحم ما تلاحظون ان مجتمعنا مدري وش يبي :(
العانس يقولون وراها ما تعرس وان اعرست قالوا ما حملت وقاموا يذكرون لها دكاتره ولا حريم تمرخ
وانا رزقها الله بنت قالوا ما جابت الولد وان جابت الولد ابلشوها برجلها انه اعرس عليها وان كبروا عيالها قالوا مرت ولدها ما تبيها
الله يعين على هالدنيا بخير
غوايش ذهب
على طاري الذهب ترى الذهب مرتفع الله الله ببيع الغوايش همن تهيبلوا ودخلوها بالاسهم :42:
يلزم عليك تسجيل الدخول أولًا لكتابة تعليق.
عـطر الليـل111
•
استغفر الله العظيم
الصفحة الأخيرة