وشرايكم اتطلق وارتاح؟ (ليه يازوجي لييييييييييه)

السلا م عليكم
مازالت مشكلتي مع اخت زوجي قائمة
مازلت باليتني اني ماخذه منها فلوس
مازالت ترسل لاهلي واخواتي
مازالت تلعب باعصابي
مازالت تدعي علي اني افقد بنتي( اللي هي بنت اخوها)
وزوجي مادفع لها حقها اللي هو ماخذه (ماعنده ومعاندها لان اسلوبها وصخ وانا ادفع الثمن)
وانا تعبت
وقررت اني اعطيها
مو عشانها ولاعشان اخوها اللي هوزوجي
عشان اشتري راحتي وراحة بنتي
هي انسانة مجنونة
رجال اللي هم رجال ماقدروا عليها
وانا خايفه على بنتي
بدتتطري بنتي
وتدعي عليها عشان اضعف ولوها تستاهل كنت دفعت لها من زمان مع انها ورب البيت ماتطلبني انا
تطلبي اخوها اللي هو زوجي
واخوها يتهرب منها
وهي ملزقه التهمه علي وعلى اهلي
وصلت فيها الحقاره انها تتصل على اهلي واخواوتي تطلبهم يسدوون دين اخوهم
وصلت فيها الدناءه انها تسكر الخط بوجه امي العجوز
الله يكافيني وبنتي شرهم واذاهم كانهم وحوش
بس بدفع لها وجعل اللي بدفعه دفاعة بلى عني وعن بنتي
اللهم اجعلها صدقة عليها
وامحقها من بيديها
واجلعها نارا لها في الدنيا والاخرة

وزوجي
اه من زوجي
زوجي اللي عمري ماحسيت بالامان معه
زوجي اللي يتركني بعز ضيقي
زوجي اللي كل مااحتجته مالقيته
وهو كل ماحتاجاني لقاني احن صدر عليه
عطيته كل شي وصرت بدون اي شي بسببه
اهله غلطوا علي بسبب تصرفاته هو
اهله امه واخته بالذات يتمنونه يطلقني يبونه يسوي هالشي
وهو متمسك فيني
تدرون ليه؟ لانه يموت فيني بس ماحسسني بالحب بالفعل بس بالكلام
صبرت وصبرت وتغيرت نفسيتي صرت للاسوأ راجعت طبيبة نفسيه بسبب هالمشاكل
واليوم بس قررت اصلي الاستخاره
وادعي ربي ان كانت حياتي معه خير يكتبها وان كانت شر يصرفها ويعجل بطلاقي
حياتي صارت مستحيلة معه وبهالظروف
سنتين دون اي بيت يضفني انا وبنتي معه سنتين انا عند اهلي بدون اي مصروف ولا اي حق من حقوقي عليه
وفوق هذا اهله واخته مطلعين عيني وباليني جعل ربي يبلاهم
ليه اصبر؟ ليه اتحمل؟
محد حس فيني خاصة هو
كل ماصارت مشكله تدرون وش يسوي؟ ينحاش مني
ايه يغيب كم يوم ويقفل جواله ويتركني
وبعدها يرجع ويلقى احن صدر ووحده تستقبله وهي تبكي اللي هي انا وخايفه عليه
بس هالمره لا
اسمح لي يازوجي
عطيتك كل شي وتحملت اهلك عشان خاطرك بس مالقيت منك اي نتيجة الا التطنيش والهروب
قبل يومين دقيت عليه وانا منهاره وابكي لان اخته مكلمه وحده من خواتي وتتبلى علي وتدعي علي بنتي بالموت وعلى امي بالموت والمرض وقلت له لازم توقفها عند حدها وعقبها سكر الخط ولاشفته ولااتصل وقفل جواله لليوم
بالله هذا كيف امن على نفسي معه؟
اللهم اني استخيرك ان كان في طلاقي خير ان تعجله وان كان فيه شر ان تصرفه وتعدل حالي وتكف عني كل اذى
حياي تحطمت حسبي الله عليهم
حسبي الله عليها حسبي الله عليها حسبي الله عليها وانا عارفه ان ربي يباخذ حقي بيوم غير هاليوم
حسبي الله على من حطم حياتي
حسبي الله على من طلعني من بيتي
حسبي الله على من اخذ مني كل شي دون علمي
حسبي الله على من استغل طيبتي
حسبي الله على من سكر بابه بوجهي
حسبي الله على من ظلمني
حسبي الله ونعم الوكيل
حسبي الله ونعم الوكيل

حبيت افضفض وماابي منكم بهالساعه الا دعوة صااادقة تخفف الحرة اللي بقلبي
يارب الطف بي وارحمني
وارني فيهم عجائب قدرتك اللهم زلزل الارض من تحت اقدامهم وارني فيها مايبرد خاطري عاجلا غير اجل
اللهم اني اجعلك في نحورهم واعوذ بك من شرورهم يارحمن
اللهم اكفنيهم بماشئت