وشررايكم بالصالة العلويه افتحها ولاااخليهااااا

بالنسبه لي الصاله المفتوحه تعطي منظر حلو وخاصة اذا تفننتي بديكور الدرج وكانت الصاله نفسها فيها شبابيك كبيره فهي تعطي منظر للصاله العلويه وانشراح للصدر

شوفي حبيبتي انا فاهمه شنو تقصدين انا مسويه الصاله فوق واحمد الله اني ما فتحتها على تحت برغم عندي القبه شكلها رائع ومشغول وفيه فن يعني لو افتح اللي فوق على تحت اللي تحت يشوفون منظر القبه والوان الزجاج وبتكون الاضاءه اقوى واحلى وبتعطيش فخامه اكبر وهذا اللي كنت ابه وعصبت على زوجي هذيك الايام لانه هو يبغي صاله فوق ما يبغيه مفتوح مع اني قلتله بنخلي احد الغرف تكون صاله وماشيء فايده بس الحين بعد ما سكنت قلت لا زين سوى نحن الحريم بس يهمنا الشكل هما يفكرون في فايدة ومدى عملية الافكار بصراحه عيالي الحين تعتبر الصاله اللي فوق صالتهم ومكان لعبهم وتلفزيونهم ونحن تحت الكبار اولا من ناحية التكييف افضل ومن ناحية زيادة صاله تعتبر كثير مهمه وبصراحه الصراحه صرت انا اللي احب اجلس بها الصاله احس بخصوصيه وهدوء مدري شلون اعبر لش بس الصاله اللي فوق اريح وافضل

نصيحتي لك لا تفتحينها كل اللي اعرفهم كانوا فاتحينها عانو من مساؤها وسكروها

ومساؤها كالتالي

اولا الاطفال يعدمون عليك اثاث الصاله اللي تحت لانها بتكون مرمى لهم عن طريق الصاله العلويه اعرف وحده كسروا عيالها تحفها اللي في صالة تحت واعدموا الكنب من كثر ما يكببون عليه من فوق

ثانيا راح تعانين من الوضع في الصيف لان التكييف راح يضيع عليك لان المساحه راح تكون واسعه

ثالثا راح تضيع عليك مساحه انت ممكن تحتاجين لها وخصوصا ان الصاله العلويه دائما تكون قعده للبيت فاستغليها في شي يخدمكم للقعده فوق افضل لك

هذا رأيي وتجارب اللي حولي وانتي براحتك شوفي اللي يناسبك

بصراحة أشكرك على هالسؤال وننتظر رد باقي الأخوات ..ويفيدوننا بتجاربهم ..

نصيحه وعن تجربه في بيت ابوي كانت عندنا صاله مفتوحه على الدور الأرضي ..كان شكلها حلو ..لكن بعد سنوات فكرنا ان نغلقها لأنها مب عمليه ..من نواحي عدة ..
أولا من ناحية التكيف ما تبرد بسرعه لأن الهواء يتوزع للطابق الأرضي والعكس ..
ثانياً من ناحية الأزعاج ..يعني ما تلحقين تتكلمين عن حاجه إلا ويسمعوك كل من في الطابق الأرضي وهذا احراج في حالة وجود ضيوف في الطابق الأرضي ..
ثالثاً ..تستغلي المساحه الي فوق وايد أفضل ..احنا بعد سنوات أغلقناها وسويناها غرفة معيشه عائليه ..

هذه نصيحتي لكِ وعن تجربه .. أغلقيها أفضل