محتاره في هالدنيا :

المثل يقول اسال مجرب ولا تسال طبيب وكارمن الشمال جربت ونصحتك تحضرين وصدقيني انا شفت ناس اقارب لي توفت امهم الله يرحمها وزعلوا لما جاء ابوهم يتزوج وبالنهايه كسبوا الموضوع لصفهم باركوله وحضروا زواجه وماشاء الله الحين مرت ابوهم هي امهم اللي ماولدتهم عرفوا يكسبونها ربي يخليهم لبعض انا عني انصحك تبردين اعصابك وتاخذين نفس عميق وتفكرين بالموضوع صح هل تفكرين بمشاعر لحظه او تفكرين بعمر وسنين بتتحاشينها لمتى ؟ اذا تزوجها ابوك بتصير مرته على سنه الله رسوله وبتعيش معاك لما تتزوجين وبعد ماتتزوجين بتبتل زوجه ابوك لو ربي كتب وهي اللي بتستقبلك ببيتكم وممكن تجبيلك اخوان ويشلونك اذا كبرتي وتجتمعين فيهم وممكن هي اللي تنفسك اذا ولدتي ماتدرين يمكن امك لحظتها ببيت زوجها هذي سنه الحياة وتصير زوجة ابوك تحبك وتحن عليك مثل بنتها وماتدرين وش ضروفها اللي خلتها توافق على ابوك يعني ابوك اكيد اكبر منها بكثير ومطلق وعنده بنت عروسه ماشاء الله ليش توافق عليه و تترك الشباب اللي لسى ماتزجوا الا اكيد مرت بظروف مايعلمها الا الله ولفت فيها الدنيا فوق وتحت لما قالت ربي الله وصدقيني اكيد بتخاف الله فيك وماراح تظلمك فلا تبدين العداوه معاها وتبدين الحقد عليها وانتي لسى ماعرفتيها يمكن تطلع طيبه وبنت اجاوبد باختصار الكلام عشان ابوك ابوك بس اللي رباك وتعب عليك اسمعي شوري واعتبريني اختك روحي وحبي راس ابوك ويده وقوليله مبروووووووووووووووك والله يوفقك يارب ووالله فرحتلك من قلب والله يهنيكم ويوفقكم ولاتكثرين كلام هي هالكلمتين كافيه وبعدها بكم يوم اذا عرفتي متى الزواج قوليله انا والله يبى ودي احضر عشانك واشوفك عريس بس خايفه على مشاعر امي وما ادري وش اسوي انت وش تشوف يبى واذ قالك براحتك يعني ماراح يزعل لو ماحضرتي واذا قال براحتك بس ودي تحضرين يعني حاولي قد ماتدرين وهذا دليل ان وده تشاركينه فرحته واذا قالك الا لازم تجين انا ابوك ولي حق وحاولي ومن هالكلام يعني هو يبي يفتخر في حضورك قدام الناس حاولي تحضرين لو عشر دقايق تعطين زوجته بوكيه ورد صغير تثبتيله فيه ان عقلك كبير وتكسبين قلبه للابد ان شاء الله واذا حسيتي ان مالك نفس بالحضور مره مره اعتذري انك تعبانه وان ودك بالحضور بس بتحاولين قد ماتقدرين وروحي عند امك زوريها وغيري جو بدال ماتشوفينهم يتلبسون لزواجه ويضيق صدرك وعادي خوذي الموضوع بعقلانيه وان هذا حقه الشرعي هو ماسوى شي حرام واخر نصيحه لك تعاملي مع الوضع لاارى لااسمع لا اتكلم ولا تقولين لاحد في يوم ما صار كذا سواء لابوك او امك او مرت ابوك او قريباتك اذا مره اختنقتي اكتبي هنا بالمنتدى او فضفضي لصديقه وبس وان شاء الله ماراح تشوفين الا كل خير منها بس انتي ابدي بالحب واعتربيها مثل اختك الكبيره او صديقتك

المثل يقول اسال مجرب ولا تسال طبيب وكارمن الشمال جربت ونصحتك تحضرين وصدقيني انا شفت ناس اقارب لي...