اعرف ان موضوعي مو شي جديد لكن اكيد في من العضوات وحتى الاخوات الزائرات
الي ما تعودت على المطبخ او تحتاج من يعطيها بعض المعلومات الي يمكن تكون راحت عليها
طبختنا اليوم هي >>( الرز الكابلي) حاولت اصور اكبر عدد من الصور وان شاء الله تكون واضحه
اول شي وقبل البدايه لازم تسلقين الرز في قدر عادي مجرد (ماء +قليل زيت او زبد +حبتي هيل+
عود قرفه)
في القدر الثاني نحمس البصل الى ان يصفر
وبعدين نضيف قطع الدجاج او اللحم اذا حبيتي >>بس لازم يكون مسلوق قبل
ومن المهم اضافة قشر برتقال عشان يعطي نكهه وطعم واذا تحبين اضيفي فلفل حار
وقليبيهم مع بعض على نارهاديه جدا لين تطلع موية الدجاج ويستوي نص استواء
بعد كذا اضيفي قطع البطاطس ويكون حجمها يميل الى الكبر شوي زي الصوره
وبعد ما يمر تقريبا 10 دقايق اضيفي ملح وبزار الكابلي وصلصه او رب البندوره
وخليه لين ينضج البطاطس >>حاولي تقطعينها بالسكين وكذا تعرفين
طبع لازم يكون في شوي مرق لاينشف مره اذا نقص زيديه ماء
اقلبي عليه الرز ولو كان فيه شوي ماء او نص استواء ازين بس اهم
شي اذا حطيتيه على الدجاج حطيه على هيئة طبقات اولها علو الرز حتى يتشرب ماء كافي
وبعدين وسط الرز وبعدين الي في القاع>>واذا حبتي ممكن تضيفي ماء زهر ممزوج مع شوي
زعفران >>انا ما حطيت لاني اشوف حق السوق ما فيه لون اصفر
وهذه صورة الرز بعد السكب او الغرف اتمنى تكون واضحه
وهذه صوره ثانيه للي ما لحقت تاكل من الصحن الاول:hahaha:
ومثل مل تعودت منكم ابي ردود توسع الصدر
