..مساء الخير ..
كيف الحال نسوان وبنات .. أربكن بخير ..؟!
يا بنات أنا بس لـ أني فرحانه حبيت أني أطهبز فرحتي هنيا عشان ..
يمكن حد تفرح لفرحتي .. لـ أني وللأمانه أن دخلت وشفت حد فرحانه أفرح معها حيل..
..
يمكن حد تكون نفس شخصيتي وتحس في الفرحه الكبيره الي بداخلي ..
فرحه غير عاديه على الأطلاق نفس فرحتي في شهر واحد عام 2008 ..
الفرحه الي أحس بها ذلحين ،، أكبر منها بـ كثير ..
ويمكن حداكن تدخل وتقول والله ما عندها ما عند جدتي عمشا .. أجل منزله موضوع عشان ..هـ الشئ ..
..
تدرون وليه أنا فرحاااااااااااااااااااااااااااااانه .. يمكن حد يروح بالها بعيد ..
وتقول أكيد انخطبت ،، أقول لاء فرحتي أكبر وأكبر وأكبر وأكبر من مجرد خطوبه وزواج ..
ممكن حد تقول .. توظفت أقول لاء ولاء فرحتي أكبر وأكبر من حصولي على وظيفه ..
أدري طولت وانا وخشتي مالنا عازه ..
الوكاد يا طويلات الشعران والأعماااار ركب الأغــــــــــراب رح تلتقي في بنتها قطعه من كبدها ..
البارحه ساهرن ما غمضت عيني ..
وشلون أبرقد وأنا عيني شقاويه ..
إليا تذكرت بنتي فرحة سنيني ..
هلت دموعي على الخدين جبريّه .:44:.
..
بـ أذن الله يوم الجمعه .. بعد فراق دام حوالي شهرين ولـ أول مره أفارقها من ولدت فيها في شهر واحد عام 2008 ..
فارقتها لـ أسباب خارجه عن أرادتي ... بنتي تحمل الجواز السعودي وأنا سعوديه صح بس معي جواز ثاني ..
وهي ما معها جواز للحين .. :44:.. تخيلوا بس ..
..
وأنا ما فارقتها الا فيما يرضي الله عزوجل في طاعة والديني ومرضاتهم .. رحلة علاج مع الوالد الله يشفيه ..
بس أنا خلاص رح أرجع وراي مدرسه خلاص ..
يا بنات من شدة فرحتي أحسني مانيب شايفتها .. مدري ليه ..
مدري كيف مسافة ثمان ساعات بـ الطياره رح أتحملها لين أوصل بـ السلامه ..
..
تصدقون اني كنت بـ غامر أنا وأخوي وبناخذ جواز واحده من جماعتنا جواز بنتها فيها شبه من بنتي ..
وأبو البنت الله يجزاه خير هو عرض الفكره علينا وقال أنا جايكم زياره .. ورح أجيب بنت ركب الأغراب معي ..
وأنا واخوي مره فرحانين ،، وأخوي رتب الأمور حتى في المطار ..
اتفق هو واخوياه أنهم يداومون في المطار نفس وقت رحلة الرجال وبنتي ويمشونهم ..
لـ أن اخوياه في المطار .. ورتبنا كل شئ .. بعدين لما جيت أعلم أبوي رفض ..
.
كل شئ ولا ألعب بـ القانون .. قال هذا أمن .. ولا فيه يمين ويسار ..
اصبري منها معاد باقي لك الا كم يوم وتروحين ،،
والمشكله الوحيده الي خفنا منها أن بنتي ذربه ،، صح عمرها سنتين ،، بس ما شاء الله بلبل عربي وانجليزي ههههههههه لبى قلبها ..
وخفنا انها تكشف أمرنا ..
..
ولو علمناها تقول أسمها بـ أسم ثاني رح ترفض ،، وهي تقول أسمها ثم أسمي أنا ..
يعني تقول أنا اسمي مثلا نوره بنت ركب الأغراب ههههههههههههههه ....
يالبى كبدها .. يا جعل يومي قبل يومها ..
عاد يا بنات خلاص بـ أذن الله رح نجتمع من جديد انا وياها وجعله أتلى فرااااااااق بيني وبينها ..
..
وتصدقون جماعتنا يقولون ياليت منهو يصور ركب الأغراب هي وبنتها لحظه لقاهم .. رح تكون مؤثره جدا ..
كلهم يقولون كذا لـ أنهم خابرين قوة حبي لها وحبها لي ..أنا أفداها بعمري كله ..
يلا يا بنات .. وحده تصفق :42:.. وحده تنعش ...ووحده تقول كلولولولولش. وحده ترقص سعب :icon28: .. ما حب رقص ثاني < طراره وتتشرط ..
وحده توزع حلويات .. وحده توزع هدايا ..
..
وحده تغني .. وبكذا تكونون شاركتوني فرحتي ..
ايه وأهم شئ أنكم كلكهم تدعون لي أن الله يفرحني بها ويفرحها بي ويجعله أخر فراق بينا ..
..
ويجعلها من حفظة كتاب الله .. ومن البنات الصالحات .. المؤمنات ...
والله يجزاكن الجنّه ووالديكن من غير حساب ..
يا هلا عد ما مشى الديك حافي ..
..هنا ركب الأغراب...
ركب الأغراب @rkb_alaghrab
محررة فضية
وشلون أبرقد وأنا عيني شقااااويه .. تعالوا شاركوني فرحتي يابنات الله يجزاكن خير ....!!
213
10K
يلزم عليك تسجيل الدخول أولًا لكتابة تعليق.
**ريم**1
•
الله يجمعك فيه على خير يآآآآآآرب والله اني عشت القصه معك
وبالنسبه لي انا الي بغني يقولووون صوتي حلو
ههههههههههههههههههههههههههههههه
وبالنسبه لي انا الي بغني يقولووون صوتي حلو
ههههههههههههههههههههههههههههههه
الله يقر عينك بشوفتها و يفرح قلبك بضمتها و لا يحرمكم من بعض
تراني فررررررررررحت لك كثيرررررر
تراني فررررررررررحت لك كثيرررررر
الصفحة الأخيرة
:icon28:
الله يفرحك بها ويفرحها بك ويجعله أخر فراق بينكم
ودي الحلويات للامورة بنتك