أنا بصراحة ما أصدق ولدي يصيح يبغي حليب ... أركض وأنا طايره فرح علشان يشرب ... والحين عمره سنة ... بس عنده نقص الكالسيوم .... فأحس يوم يبغي حليب ... يعني يبغي كالسيوم .... لكن هو في العادة يصحى مره وحده في الليل

والله ما أدري ...بس مو كلشي يمشي على الناس ممكن يمشي مع ولدك..

يعني شوفي انا لما معد صرت ارضع بنتي بالليل والله انها عافت الحليب وصارت تجلس فترااات طويلة بالنهار ماتبي ترضع..

تعودت على الصوم فترة طويلة من دون حليب..
والله اني ندمانه..
صحيح انها تريحك ولا عاد تصحين كثيير بالليل..
بس بالعكس رضعت الليل هي الي تربي البيبي وتزين صحته..

^^

نفس الحاله مع واحد من عيالي
فخليت الثاني على راحته شفيها خله يقوم
هو كلها الا بيرضع وينام
بس احنا كل شي نبيه بسرعه :(

سنه مفروض انها تاكل كل شي، بعطيج نصيحة جدتي الله يطول بعمرها حتى للاطفال الاكبر بدون رضاعه. علشان ما يصحون بالليل.
قبل لا تنام أكليها عدل حطيلها عيش و روب أو مرق و خليها تاكل لما تشبع وان شاء الله انها تنام للصبح .
بس هم ترى توها صغيره مو مشكله لو كملت شوي ترضع بالليل. بس المصاصه يبيلها صبر يعني قطعيها و راح تأذيج جم يوم بس.

مشكورييييييييييييييييييييين كلكم..
وجزاكم الله خير....
والله افدتوني كثير..وان شالله غيري استفاد بعد..
الظاهر ان البلا فيني.....صارت اذا صاحت ...اتوماتيك اروح اسوي لها رضعة...انسى..:(
بس ان شالله اني بقطعها بقطعها....
الله يكون فالعون.