السلام عليكم


انا انخطبت عن طريق اختى يعنى لما تزوجت اختى انخطبت انا ووقتها كنت فى ثانى متوسط



وفى اول الصف الثالث متوسط انخطبت رسمى وفى نفس الاسبوع خطبنى ولد خالتى وخطبنى واحد من جمعتنا



لكن نصيبى مع الى من خارج العيله والى اخته شافتنى فى زواج اختى :27:



وتزوجت بعد اول ثانوى :24:


والحمد لله ربى وفقنى فى زواجى مع انى كنت صغيره مره وزوجى كان فاهم الدنيا اكثر منى

بس الله لايحرمنى من حسه ياناس لانه فهمنى اشياء كثيره فى حياتى وان شاء الله العمر كله يارب



معليش مانعطى وجه لو بيدى كتبت مجلد عنه بس هذى الزبده:17:

السلام عليكم ..
حبيباتي ...أمل الريف1
gail from sawth
الف شكر على المرور

انا حلمت ان ابوي عازم ناس على العشى وقال لي جيبي العشى... وانا متحيرة اشلون ادخل وعلي قميص نص ومو لابسة عباية اوشي على راسي:29: ... بعدين قلت في نفسي - في الحلم - ابوي هو قال لي يعني بسوي اللي يبه .. يوم دخلت كان بجنبه واحد وعرفت ان اسمه ( فلان ) بدون ما حد يقول لي في الحلم ... حطيت العشى قدامهم وطلعت ....


يوم قعدت من النوم انقهرت وقلت شكل ايماني هاليومين مو على بعضه يحتاج له تحسين والا ليش احلم باني ادخل على الرجال بقميص نص كم ... وبعد ما رجعت من المدرسة قالت لي امي ان ( فلان نفس اللي شفته بالمنام) خاطبك:o ..


وهو من نفس العلية بس مو ولد عمي مباشرة واللي خطبني كان صديق ابوي الخاص ....
الله يخليه لي .... بس تدرين يا اترجه وش متحسفة عليه ؟
متحسفة اني ما خليته اشوي:42: ... ابوي عطاه الرد بالموافقة بعد اسبوعين .... يعني لو خليته شهر شهرين:30: عشان يحس اني جوهرة << عدال يالالماسة




ادري اني هذاااااااااااااااااااااااااااارة
--------------------------------------
ولا يخلص خياااااااااااااااااااااالي

أنا كانت أخت زوجي منشنه علي من زمان من ايام الثانوي وبعد ما خلصت


سنه من الجامعه صارت الخطبه والزواج وكان احلى نصيب واحلى قدر


الحين باقي لي شهرين واكمل سنه بس ياخساره وقتها اكون بالنفاس


(العمر كله ان شالله ) وعلى فكره هو ما يقربلي بس من الجماعه...


ومشكوره اختي على الموضوع :26: :27:

موضوعك واايد حلو ( يذكرنا بالذي مضى )
بالنسبة لي ،
كنا معزومين في بيت خالي ( كان عيد الفطر على ما اذكر ) ،
وبعد العيد بأسبوع دقت مرت خالي وقالت أنه جارتهم منشنه ( على قولة فلاش :o ) علي لولدها ،
بس صارت مشكله كبيرة والسبب أنه عمي الكبير لما درى بالخبر عصب وقال ما في بنات ياخذون من خارج العايلة ،
بس أبوي ما رضى لأنه ولد عمي من صغره وهو صاحب مشاكل ،
وفي النهاية أخذت ولد جيران بيت خالي >>> طويله شوي :42:
وعمي زعل حيل قريب سنه ما يكلم أبوي ليما أدخلوا في السالفه كبارية العايله والحمدلله طاح الحطب
ويعطيك العافيه

جوريــه