وشلون اتعامل مع هذي الانسانة

بسم الله الرحمن الرحيم

حابة اقولكم عن انسانة تصير زوجة ولد خالتي وبنفس الوقت تصير بنت عمة زوجي
هالانسانة كل ماشافتني عند ام زوجها اللي هي خالتي

تقول لي هذي الكلمات وتكررها ومن دون ذكر الله ..!
تقول لي
انتي ياامل مستتتحييل زوجك يتزوج عليك
ويشهد علي ربي تقولها من غير ذكر الله ودائما تقولها
وانا عندي بنت عمرها سنتين و8 شهور
من يوم كان عمر بنتي 7شهور تسئلني انتي ماحملتي ؟!
وش الشي اللي تسووينها وطولتي ماحملتي !؟
وش تسووووين يومنك ماحملتي؟!
وش تأكلين لية ماحملتي ؟!

ودائما تطلع عند اهلها بأن هذا الشهر شهر ولادتي
مع انها تدري اني مو حامل ( اهلها ماشوفهم الا بالزوجات )
وعمة زوجي هي قالت لزوجي قالت ان فلانة تقول ان هذا شهر ولادة زوجتك وانتم ماتبون تعلمووون ..!

وش اسوووي مع الانسانة هذي !!!!!!
على فكرة اخر مرة سئلتني كان بعيد الاضحى
قالت امانة انتي وش تسوين الى اللحين ماحملتي
واول مرة ارد عليها واقول الله يرزقنا

طبعا انا فكرت بالحمل قبل 8 شهور الحمدلله انا كنت سليمة
بس فجاة طلع عندي كيس وضعف تبويض
وزوجي طلع عندة التهاب البروستاتا وقلة العدد !!


هل اللي فيني انا وزوجي نفس او حسد منها ؟!
ووشلون اخذ شي منها ولو اخذت ممكن نشفى بعد اذن الله

الله يسعدكم ويوفقكم دلوني ع حل او ووش اسوي معها !!!!