لاتخطبي له خل يتعب على مايحصل

وانتي ضبطي امورك معه وحاولي تتقربي منه عشان حياتك ومصلحتك

والشي الثالث..هذا شارت به وحده علي وانا ماني مقتنعه فيه مع ان كلامها صحيح بس مااقوى اسويه...تقول ..مادام زوجك خلاص متزوج متزوج اختاري له انتي العروس
وحده تعرفينها وتعرفين اخلاقها واهم من هذا كله ماتكون جميله ..خذي له وحده عاديه
جدا اهم شي مافيها جاذبيه..وتكون طيبه وحبيبه وبنت ناس محترمين يخافون الله لانها بعدين بتصير ام اخوان عياللك ويمكن هالشي يشيل الغيره من قلبك وقلبها وتصيرون زي الاخوات بعدين مااحد يدري...وهذا الشي في صالحك حتى قدام الناس بيقولون هي اختارتهاله وراضيه مو غصبا عنها..وقالت فكري في اللي قلت لك بشكل جدي واستخيري والله يكتب لك مافيه الخيير...


هااااه وش رايكم في كلامهاا؟؟؟
اشيرووا على يااخواتي احس اني في دوااامه كبيرره ماني قادره اركز في شي..
----------------------------------------------



كلآمهآ عين العقل ، صدق مع الايام تصيرون خوات بدال م تجي وحده وتعل قلبك
واسال الله ان يسخر زوجك ويفرج همك حبيبتي لا تضايقين نفسك ترا الدنيا ذي زايله وكلنآ بنموت وم تبقى الا اعمالنا الصالحة

لا ياحبيبتي
الاخت الحين قامت تغار من اختها
والناس تغيرو ولاصرنا نميز بين الطيب وغيره
احيانا ننخدع ببنات الخاله وبنات العم

وهذي بتصير زوجه حالها حال غيرها لو صارت طيبه لابد من الغيره

وبعدين ضاقت مافيه الا زوجة زوجي ادورها تصير لي اخت
والزوج لو كانت قبيحه يمكن يشوفها جميله ويطير فيها

انا اقول لاتفتحين له السيره ولاتخطبين ولاشي
وادعي ربي يصرفه عن هالزواجه

ارسلتلك الرابط و راح تشوفي ان الثانية اجمل بس الرجال يرى ان الاولى احلى لان اخلاقها عالية
و ترى الرجال انسان مثلنا يعني انت لو شفتي جميلة و اخلاقها و تعاملها مش حلو هل راح تعجبك اكيد لا
حبيبتي احنا الحريم لو نشيل من راسنا فكرة انو ما يتزوج عليك الا لانه ما عاد يحبك او لانك مقصرة صدقيني راح نرتاج

الرسول عليه الصلاة و السلام تزوج على احب الخلق اليه
طمنيني عنك

نصيحه لوجه الله
الجي لله وحده
قومي كل ليله وادعي ربي بكل الي بخاطرك
وادعي يارب ارضى عني واجعل همي رضاك
اتركي الهواجيس والحزن والبكاء والخيالات وخلي كل همك الدعاء والاستغفار وقيام الليل ورضا ربي عنك
انا واجهتني مشكله بنظري كبيره بعيده عن موضوع الزواج وفقدت الامل من حلول الناس ومساعدتهم ولجأت لله وحده وايقنت ان الفرج والرحمه بيده وحده وما نافعني غيره وفرجها ربي من غير اي مساعده من احد ولا كلمه من احد
عشان كذا اقولك اتركي الشكوى لنا وللبشر عامه واتركي الحزن والخيالات
كل الي تسوينه حاليا يضرك ويفقدك راحتك وصحتك وسعادتك هو مو خسران شي ابدا
انتي الي بتخسرين وبتتعبين وعشان مين ؟
هو درى عنك ولا سأل ولا خذا بخاطرك ولا فكر فيك
طبعا لا .. ارجعي اهتمي بنفسك ودلعيها وقوي ثقتك بنفسك واسعدي نفسك وحبي نفسك لا تخلينه هو محور حياتك وكل تفكيرك بوجوده بتكونين سعيده وبفراقه او زواجه بتكونين تعيسه وحزينه وتنتهي الدنيا عندك تراه مخلوق ضعيف وامره بيد الله اذا ربي كاتب له زواج بيتزوج مهما فعلتي ومهما بكيتي ودمرتي نفسك واذا ربي ما كتب له الزواج ماراح يتزوج مهما فعل ومهما دور وسعى .. عيشي يومك وانسي موضوع زواجه تماما لا تخلين كل يومك يروح بالتفكير خطب وماخطب انتي تدمرين نفسا وصحتك عيشي يومك وطنشي ووكلي امرك لله وهو الي بيكتب لك الخير ويدبر امرك

خلي ايمانك بالله كبير واحسني الظن بالله وخليك على يقين دائم ان الله معك وماراح يكتب لك ربي الا الخير

وبالنسبه لموضوع انك تختارين له زوجه اذا هو راضي وو وافق تختارين له ما فيها شي
لكن مو شرط اذا خذا وحده عاديه وشينه بالعربي انه ماراح يحبها ولا يتعلق فيها بالاضافه انه بيشوفها واذا شاف اختيارك ما اعجبها بيغير رايه ويقول انا بختار لنفسي
انافاهمه الي يدور في بالك اذا خذا جميله بتاكل عقله ويطير فيها واذا خذا عاديه ماراح تفرق عنده
بس هذي موقاعده يا ما جميلات وعايشات تعيسات مع ازواجهم ويا ما عاديات جدا وتلقين زوجها طاير فيها ويحبها ولا يقدر على بعدها لان السخره من الله مو بالجمال او الشكل استخيري الله في هذا الموضوع اذا اختيارك له فيه خير لك او العكس
ووسعي صدرك الدنيا ما تستاهل كل هالهم والحزن والبكاء كل هالامور مكتوبه كل الي على الانسان الدعاء والثقه بالله