خاوا جروحه وخلاهـا علـى ربّـه
ذي آخر أخبار ( قلبي ) يا مشاويري
كله ذهول !! وهبـوب الغبنـه تهبّـه
مغبون .. وعتابه اصدق من معاذيري
القلب: ( مركب سهر ) والريح تلعبّـه
والموج ما يرحم ذنوبـي وتقصيـري
والحب : غبّه ورى غبّه ورى غبّـه
فقدت فيها ثـلاث اربـاع تفكيـري !
مرات اقول الخطا مني وانـا السبّـه
ومرات اقول السبب قسـوة مقاديـري
وعيني اللي تهـل الدمـع وتصبّـه
على فراق ٍ سرق فرحـة تباشيـري
تقول سامح زمانـك والحـزن خبّـه
واقول منهو يعوضنـي مخاسيـري ؟
وشلون اسامح زماني واللـي آحبّـه
خذاه غيري وانا اولى فيه من غيري !
{ رند } @rnd_37
محررة ماسية
يلزم عليك تسجيل الدخول أولًا لكتابة تعليق.
الصفحة الأخيرة
والموج ما يرحم ذنوبـي وتقصيـري
آبيــآأآت جميلـــــه =)
عوآفي ..'
</B></I>