وشلون تختمي القران ثلاث مرات برمضان روووووووووعه

السلام عليكم ورحمة الله وبركاته
كل عالم وانتم بخير بمناسبة شهر الخير
والشهر علينا وعليكم مبارك
راح اقولكم بجدولي بالطاااااااعه بهاشهر
اول شي نبداء من بعد صلاه الفجر :time:
اصلي الفجر اقول اذكار مابعد الصلاة واذكار الصباح وراح اقرى شي من القران
بعدين انام الى الساعه2 الظهر طبعا صلاة الضحى والله ماقدر اقوم لها لااني من الناس اللي عندهم ارق اذا قمت مانام بسهوله
اصلي الظهر واذكر اذكار بعد الصلاه واقرى شي من القران بعدها ادخل المطبخ وابدا احضر والمسجل مفتوح اما اذاعة القران او شريط محاضره
واذا اذن العصر اصلي واقول الاذكار اللي بعد الصلاه واذكار المساء واقرى شي من القران بعدين اروح المطبخ اكمل طبخ وانا استغفر واسمع شي ينفع قران او اذاعه القران او شريط محاضره
بعدها احاول اخلص شغلي قبل اذان المغرب بساعه وابدى ادعي واستغفر واقرى قران وقبل الاذان بربع ساعه اجهز الفطور الاول تمر لبن قهوه لبنه لقيمات
بعدها اروح اصلي المغرب واقول اذكار بعد الصلاه ثم اجهز الفطور الثاني شربه سمبوسه..........
بعدها اروح للمطبخ وانظفه بس الحمد لله ماعندي مواعين:angry: كثيره انا وزوجي بس والصحون بلاستك وانا اطبخ واغسل يعني اول باول
بعدها اريح لين صلاة العشاء اصلي وبعدها التراويح ثم انام ساعه وبعد مااقوم انضف البيت وابخره وبعدهااسوي السحور المهم قبل صلاة الفجر بساعه لازم اصلي اقرى قران واستغفر ثم اصلي الفجر وانااام
على فكره انا اختم القران ثلاث مرات تدرين كيف:icon28:
عندي مصحفين واحد اخصصه للتراويح كل يوم جزء
الثاني اخصصه للقراءه فقط اثناء النهار بس لازم اقرى جزءين باليوم وبكذا اقرى ثلاث اجزاء باليوم لين اخر رمضان اختم ثلاث مرااات
تتبعي طريقتي وان شاء الله بتختمين ثلاث مراات
غير كذا يابنات لاتنسون اشرطة المحاضرات كل يوم شريط طول ماتطبخي على الاقل تستفيدي بوقت الطبخ شي ينفعك وكرري ذكر الله طول ماتشتغلين
اللهم افتح على من تقراء موضوعي وترد عليه فتح العارفين بك
اللهم اعنا على صيام رمضان وقيامه
ارجوكم ادعولي اذا قريتو موضوعي بالذريه الصالحه وان يصلح لي ربي زوجي وان اتوظف
ادري زوتها بس انا صديقتكم ههههههه
وجزاكم الله خييييييييير على مروركم