وشل الحل مع بنتي ماتبغى تكتب ..ساعدوي ..مابغاها تتعقد

الأمومة والطفل

السلام عليكم ورحمة الله وبركاته

الله يعافيكم ويجزاكم خير بغيت منكم مساعدة

انا عندي بنت وحده والسنه هذي دخلت التمهيدي مشكلاتها ماهي راضيه تكتب الا بطلعة الروح وماتحب الكتابه مع انها ماشاء الله ماعندها مشكله وتعرف الحرف وتعرف شكله في الكلمات لاكن موتها اذا قلت اكتبيه او حاولت ادربها على كتابته مع ان مدرستهم ياخذون كل اسبوع حرف لاكن مجننتني اجلس احاول فيها لاخر الاسبوع واغالبا ماتكتبه زين او تاخذ الحروف وماتعلمني واذا غلطت وقالت كلمه تعلمتها اناقشها بهدو انه من المفروض تعلمني وهي بنفسها تقول علشان ماتقولين اكتبه
انا والله احاول اطول بالي عليها وماجبرها حتى ماتكره الكتابه وجبت لها صبوره وقلت الاول تتعلم عليها لاني حسيتها اسهل وتقدر تدرب على كتابة الحرف بشكل اكبر وفي مجال اوسع ولما تاخذ حرف اسوي انا وياها عمل فني للحرف واخليها تروح فيه للمدرسه عشان تتشجع وتحب المدرسه والدراسه اكثر
الحين ماني عارفة كيف اتعامل معاها والله قبل كم يوم من بعد ماجات من المدرسه وانا اتحايل عليها واحاول انها تحل الواجب لين المغرب وبعدها صرت اصارخ عليه لاني تاركه كل شغلي ومفرغه نفسي لها وانا ابيها تتعلم زين وتتاسس زين وخصوصا اني ناويهه احمل يعني مابي احتاس معها في اولى ابتدائي ومع النونو الجديد بمشيئة الله ومع ابو الشباب ومع البيت :35:

وبنتي فيها طبع شين انها بطيئه في الاكل والكتابه وايضا بنتي انامعلمتها ان اشيانا الخاصه مانقولها لناس وخصوصا اني تعبت فتره طويله وماكنت احب احد يعرف بمرضي وكنت اتعب امامها فاكنت ااكد عليها انها ماتقول لاحد بالاشيى ء الي تصير ومن كثر ماترددت الوصيه عليه صارت تطبقها عليه
والان بعض الشغلات الي تصير معها في المدرسه ماتقولها لي احيانا احاول اسحب منها بعض الشغلات تقولي هذا شي خاص فيني انا واصدقائي ولمعلمه والله ماني عارفه وشلوت افك شفرت هل بنت لان فترت مرضي كانت طويله وحسيت انها سببت شيء من الجفا بينب وبينها
مع انها في بقيه الامور الحمدلله زينه ودي اغير الطبع هذا ياليت الي تقدرتفيدني تتفضل لي بحلول لاني والله عجزت فيها وجبتها بالترغيب وبالهديا والمكافات والتشجيع ولاهو دائما تجيب نتيجه
واحيانا والله اصارخ عليها وبعدها يانبني ضميري وانا مع مرضي اخلاقي قافله

الله يعافيكم ابي حل مالي الا الله ثم انتم واحتسبو الاجر فيني انا وبنتي

لاتنسوني من دعوه انا وبنتتي بان الله يشفينا ويعافينا لعل فيكم من لو اقسم على الله لابره ولعلها توافق ساعة استجبه وجزاك الله خير
29
8K

يلزم عليك تسجيل الدخول أولًا لكتابة تعليق.

تسجيل دخول

عيون ابوابراهيم1
ريحى راسك دام البنت تكتب زين وماجتك ملاحظات من معلمته فهى ممتازة

وظغطك عليه راح ينفرها منك

واذا على الحكى كلهم مايتكلمون بنتى الابرابع من كانت بتمهيدى وهى على الصامت
وولدى الى باول نفس الشى لايبى يقرا قران ولايكتب

الله يعين عليهم نبى لهم زين ولايخلونا
الشجره اليانعه
زى يولدى في التمهيدى مايقولى حاجه الابطلوع الروح تقولى اشحت منه والكتابه لا تضغطى عليها خلاص اكيد هم يكتبوا في الروضه وجبيلها صندوق وعبيه حلاويات واللعاب وكل ماخلصت كتابه طلعيلها هو والله يعينى ويعينك
ديمة000
ديمة000
جزاكم الله خير
وفي انتظار البقيه
ديمة000
ديمة000
جزاكم الله خير وفي انتظار البقيه
جزاكم الله خير وفي انتظار البقيه
وينكم يبنات
(عطاء)
(عطاء)
اعاننا الله واياك