وشهوله احب بالله وشهوله

تعبت ! الله يكون بعون هالقلـب وبعونـي
تعبت من الوجيه اللي تجي وتروح بسهوله
وانا صعبه اصدق كيف خلونـي وباعونـي
اقول احيان معقوله وهي ماهـي معقولـه
لاني ماقدرت إلا معاهـم احسـن ظنونـي
واقول الجرح والزله من الغاليـن مقبولـه
ادور عذرهم واسكت وامشيها على هونـي
واقول اخطائهم تغفر وهي (بالعمد مفعوله)
واقول اهمهم طبعا مثـل ماهـم يهموونـي
ياما وقف لهم قلبي وهم مايوم وقفـوا لـه
متى ماضاقت الدنيا بهـم ذرعـا يلاقونـي
وهم لاضاقت بي الدنيا ألاقي قلوبهم مشغوله
عوايدهم متى ماحتجتهـم غابـو وهدونـي
ومتى ماحتاجوا القاهم كثر وشفاه معسوله
يلوم الله على طيبه خفوقي مـن يلومونـي
مـادام النويـا بيـض والامـال مأمولـه
صبرت اكثر من اللازم وقلـت الايريدونـي
وهم فعلا يريدوني ولكـن النفـس مقتولـه
بعد ماقصروا حتى قبل فرقاهـم اعطونـي
على كم جرح كم كلمه كم طعنه وكم قولـه
وراحو بس مـدري نسونـي او تناسونـي
خلاصه ماحدث راحوا وكلن صار في حالـه
نعم مالت على حظي ردي واستاهل جنوني
لاني طحت في بعض القلوب الغير مسؤوله
لمن لايعتبر عبره يجي ويشـوف وشلونـي
عباره عن جسد ميت وفيه اعضاء مشلوله
تعودت انصدم بالذات ممـن هـم يحبونـي
وانا ماعندي استعداد اجرب واخسر الجوله
على كثر الوجيه اللي تمر الحيـن بعيونـي
احس الناس بالنسبه لمثلي ناس مجهولـه
باعيش بدونهم عادي مثل ماعاشوا بدونـي
وذي كلمه على لساني وهي للقلب مقبولـه
مادام الهوى طعنه وشفت طعونك طعونـي
تطمن حيل ياقلبـي انـا ماعادنـي حولـه
ومدام كثير حبوني وجـت فتـره وخلونـي
اجل بطلت وشهولـه احـب بالله وشهولـه

م ن ق و ل