وشهو الحل مع ذا العائله

يا بنات اختي بتموت من القهر اهل زوجها مجانين من جد
القصه ان اخوان زوجها ساكنين في مجمع واحد ملك لهم والله انهم مثل الحريم في سوالفهم يحبون المعايره والدق بالكلام ويدخلون في اشياء ماهي من شيم الرجال وهبلو فيها يدخلون في كل شي لدرجه انه يقولون لزوجها ليه ماراحت لفلانه وليه ماطبخت لنا مثل الباقين عاد هم عندهم عاده ان كل وحده من الحريم تطبخ يوم للجميع واختي ماتحب كذا تبغى الخصوصيه
والبلوى ان ام زوجها تروح تشكي لاولادها وتقول اشياء والله انها ما صارت لعينه الله لايوفقها متقصده لها الولد مع انه الوحيد الي يبرها فيهم ولا يسمع فيها يحبها جدا
وعلى طول يجتمعون اولادها في ملحقهم ويهزؤن في الضعيف والشغله صارت كاتها معايره له بان زوجته تمشي كلامها عليه مع ان هذا الشي ماهو صدق وصارت العائله كلها ضدها حتى البزارين زوجها مسكين يموت فيهم يحاول يرضيهم كانه ابوهم
اناعارفه ان فيه بعضكم بيقولون يطلعون من البيت المصيبه ان البيت ملك والرجال الى راسه ديون ولو حاول يطلع مابيخلونه ياجر البيت للغريب بياخذه واحد من العزابيه ويتزوج فيه
بالله يابنات علموني ضاق صدري اذا كلمتني تشكي منهم مع انهم والله ماتوا علشان نوافق عليه كانو يوميا يدقون ويجون يسالون عنا ويزورون اهلي باستمرارحا ولت معهم بالتفاهم علشان تكسبهم بس تجراو اكثر المصيبه ان ام زوجها في قفها تمدحهامع الزوج علشان تقول اني حبيبه وطيبه معها وبعدها تكلم اختي وتدعي عليها
بالله وشهو الحل معهم المصيبه ان زوجها عنده ضعف ويتعالج بس الدكتور يقول ان اهم شي النفسيه ومع كذا ماقدروا هالموضوع