يا جماعة الخير هدوا أعصابكم وما يصح إلا الصحيح ، الحين بالنسبة لمحلات الأطفال وحتى المحلات النسائية الموجودة في الأسواق الكبيرة اللي لها اسم أجنبي - بدون تحديد - الكل عارف انها محلات لها جودتها يعني تلقين بدلة أو فستان الطفل من خامة تتحمل الكرف والغسيل والكوي المتكرر ، وحتى البلوزة أو التنورة النسائية نفس الشي ، هذا غير أشكالها المرتبة وراكزة على اللبس - واسألوا المجربين في كل مكان - ، في نفس الوقت نفس هالمحلات الكل ان ما كان الغالبية يشتري منها وما أعتقد أحد بيتفاخر من محل الكل يشتري منه هذا بصراحة غباء ، وحتى اللي حالتهم المادية ما تساعد تلقينهم في المناسبات الكبيرة مثل العيد والعزايم يحاولون يشترون منها لنفس السبب انها أرتب وأحسن ، أجل من وين تبوننا نشتري بصراحة ( من ابو ريالين مثلا ) واللي بتقول انها صناعة صينية صح بس مو أي صيني هم يعطون مواصفات دقيقة للمصانع عشان تسوي لهم اللي يبون ولا تهتز سمعة المحل ، أنا معك ان فيه محلات رخيصة في الأسواق الشعبية وغيرها لكن وش الفايدة إذا كانت جودتها خرابيط والصناعة أي كلام ؟؟؟؟؟ معناها كأني أرمي فلوسي في الزبالة بصراحة وهذا رد على الأخت اللي تقول ليش ما تشتري بنفس قيمة الفستانين فساتين كثيرة وتصير تغير لبنتها بدل ما تعلق على نفس اللبس في كل مناسبة ، الحين انتو ضايقة صدوركم لأنه نفس اللبس بس بتضيق صدوركم أكثر لو كان الفستان معدوم ومنتف وألوانه رايحة والشك طايح !! وما أبالغ لأن هالمحلات الرخيصة جدا أبدا ما راح تعيش بضاعتها ( وصدقيني انا مجربة شريت جزم لبنتي بـ 10 و 30 وحتى 50 وشريت ب 100 وشوي الوحيد اللي ما زال بحالة جيدة اللي ب 100 وشوي ! وقد شريت أغراض لتجهيز المواليد ومن بينها مهاد وسرير من محل عادي في مركز الأندلس والله اني تحسفت عليها من جد البربتوزات صارت تتمطط والسرير تفكك ! )
في نهاية ردي انا بصراحة ما اشوف ان الشراء من هالمحلات يعتبر إسراف ولا يستاهل ان الواحد يتفاخر فيه ، وهو عين العقل للأسباب اللي ذكرتها ، واللي ما يقدر نهائيا على الشراء منها ممكن ينتهز الفرص في وقت التخفيضات لأن تخفيضاتها فعلا حقيقية وتعتبر فرصة ثمينة للواحد انه يشتري منها حتى لو كانوا مخفضين على بضاعة السنة اللي فاتت أكيد بيلقى بضاعة جيدة
في نهاية ردي انا بصراحة ما اشوف ان الشراء من هالمحلات يعتبر إسراف ولا يستاهل ان الواحد يتفاخر فيه ، وهو عين العقل للأسباب اللي ذكرتها ، واللي ما يقدر نهائيا على الشراء منها ممكن ينتهز الفرص في وقت التخفيضات لأن تخفيضاتها فعلا حقيقية وتعتبر فرصة ثمينة للواحد انه يشتري منها حتى لو كانوا مخفضين على بضاعة السنة اللي فاتت أكيد بيلقى بضاعة جيدة
تحياتي لكم