مرة الدب المملوح: وهذي المشكلة الثانية تلاقينها دافعه في الفستان مبلغ غالي بالحيل وآخرته شوي تقولين عنه يحوم الكبد..
وبصراحة انا مثلك بالضبط أنا ووحدة من خواتي نستغل التخفيضات وذوقنا بملابس البنات مميز .. والله ثم والله كثير اللي قالوا لنا من وين تشترون ملابس بناتكم؟؟ والله احيانا يكون لبس بنتي ماهو ماركة وسعره تقريبا ب80ريال وكل اللي بالعزيمة يسألوني عنه... ووحدة من خواتي وحريم اخواني مايشرن إلا ماركة وغالي ويتكلفن ولامرة أحد سألهن عن لبس بناتهم..
والله ثم والله كم وحدة اللي سألتني وقالت لي عطين اسماء المحلات اللي تشترين منهم..

توتو: المسألة مهب اننا نزكي ونتصدق ونعطي المساكين؟ المسألة في إن اللي نسويه اسراف وماله أي داعي..فعن نفسي والله ماألبس فستان بقيمة 600ريال.. يااختي اخاف العقوبة .. فيه احد يتمنى ريال واحد أو قطعة خبزة .. وحنا نلبس فستان بهذي القيمة ؟؟

نرجس: أنا مثلك .. ماهو ضروري اشتري ماركة ولاهو لازم يكون غالي .. اهم شيء يعجبني وتكون خامته ممتازه وبس

أميرة رقيقة: الاسواق مليانة فساتين تجنن وبأسعار معقولة .. واللي تقدر النعمة وتخاف الله أكيد الله بيسهل أمورها وبتلقى اللي تبغاه..

بدر الخجل: انا والله صار لي نفس الموقف اللي قلتي رحت انا واختي لأوكايدي بالعثيم برمضان .. أختي أخذت بلايز كثيرة ربيعية لولدها سعر الوحدة 89ريال و79ريال و113ريال.. وانا أقول لها يابنت الحلال لاتستعجلين بعد العيد بتنزل الاسعار .. قالت: ماأضمن ألقاهن بعدين .. ووالله سافرنا للرياض بعد العيد ورحت لمحل يبيع الماركات مخفضة وأخذت نفس البلايز اللي أخذت اختي لعيالها ب25ريال بس.. واي بلوزة نسائية ب35ريال .. ولما وريتها أمس انقهرت وضاق صدرها .. شوفي الفرق بين اسعاري واسعارها؟؟؟؟؟؟؟؟؟؟؟؟؟؟

نرجس: مرة اجتمعت مع زوجة اخوي في مناسبة بسيطة وكنا لابسين نفس البلوزة .. فسألتني من وين أخذتها؟ قلت لها :أخذتها من نكست أمس ب49ريال عنده تخفيضات .. فقالت: والله ان بلوزتي هذي آخذتها من شهر من نكست بس بب120ريال.. ولاحصلت فرصة ألبسها.. شوفو الفرق بين السعر وهي نفس البلوزة؟؟؟؟؟؟؟؟

دنيا الحب: فيه أسعار مناسبة واللي يبغى يدور.. وبعدين من قال ان مستويات الناس تقاس باللبس..أول مرة اسمع هالكلام.. بإمكانك تكوني مميزة ومحافظة على مستواكي الراقي بدون مغالاة بالسعر.. إذا كان عندك ذوق في الاختيار لن يلتفت الناس لسعره.. بقدر ماسيلتفتون لجمال وفخامة الفستان وحسن اختياره

على ذكر المستوى الاجتماعي الراقي أذكر مرة حضرت لمناسبة لأهل زوجي .. كان فيه خواته وزوجات اخوانه.. وبدت كل وحده تقول بكم ساعاتها ومن وين شاريتها؟؟ فاللي قالت: ساعتي ب35الف هدية من زوجي.. واللي قالت ب60الف .. واللي ب20 الف .. ومن هالأسعار الغالية .. فلما جاء جاء دوري قالت لي اخت زوجي : وريني ساعتك .. فشافتها وقالت:بصراحة روووووعة.. من وين آخذتها ..اتوقع انها ب50أو 60ألف صح؟؟؟؟؟؟؟؟ ( تدرون ليش قالت كذا لأني موظفة قديمة وزوجي حالته المادية ممتازة _ بحمدالله -) فقلت لها: لاوالله هذي بألفين ريال بس.. كلهم طارت عيونهم وماصدقوا.. وقالت لي اخت زوجي: هذا وانتي موظفة وزوجك حالته ممتازة وتلبسين بهاالسعر؟؟؟؟؟؟؟؟؟؟؟؟
يعني عجبتها الساعة وقدرتها بمبلغ غالي بس لما عرفت سعرها الحقيقي طاحت من عينها..فمثل ماقلت صارت الامور تقاس ب( كم)

بنات انتو فاهمين التبذير والاسراف خطأ ..

التبذير والاسراف تقولينهم على حسب الراتب .. يعني نفترض راتبك 20 الف .. وشريتي مثلا ساعه 7000 مايعتبر اسراف .. لكن راتبك 10 الاف وشريتي ساعه 7000 يعتبر اسراف ..

بعدين ياصاحبة الموضوع .. والرد اللي بعده .. احس هذي اسعار جدا جدا معقوووووووووووله وحلو لو لقينا بذا السعر ..

وانا عن نفسي .. ماتفرق معي .. طالما اني اتصدق وازكي زي ماقالت وحده .. محد له علاقه .. وماعتقد بدقق بسعر الناس وبسألها بكم ومدري وشو .. كل واحد حر ..

وبصراحه اكثر خلو الناس بحالها .. يعني مو انتو اللي دافعين .. وكل واحد عقله في راسه ادرى في خلاصه ..

مريومه العصبيه ألاحظ أكثر ردودك كله هواش وعصبيه حتا لو كان كلامك صح لازم تخربينه بكم كلمه قاسيه شوي ممكن أعرف ليش....