السلام عليكم
كيفكم .. كل عام وانتو بخير
عندي مليون الف استفسار
* اول شي بسأل عن السنه التحضيريه وش ذي ؟ :44: وهل هي للعلمي وللأدبي ولا للعلمي بس
<- يارب للعلمي بس :biggrin:
شي ثاني
انا رايحه ثالث ثانوي ادبي
ونسبتي في ثاني الترم الاول 89 والثاني 93 :(
وقلت هالسنه راح اسجل اهليه ولا احول منازل :(
وسمعت ان الاولويه في تسجيل الجامعه للمدارس الحكوميه
اللي دخلو اهليه وانقبلو .. صحيح هالكلام
افيدوووووني
ترى هالشي مسبب لي قلق :(
يلزم عليك تسجيل الدخول أولًا لكتابة تعليق.
ماشاء الله عاللي قبلي كفت ووفت ..
وبالنسبة للمدارس الأهلية أنا انقبلت هالسنة
خلاص معد فيه فرق اختبار القدرات هو اللي يحدد ياعسل ..
بالتوفيق غلاتي ^_^
وبالنسبة للمدارس الأهلية أنا انقبلت هالسنة
خلاص معد فيه فرق اختبار القدرات هو اللي يحدد ياعسل ..
بالتوفيق غلاتي ^_^
وه ريحتوني الله يريحكم
اوفى البشر
ما قصرتي ربي يسعدك .. شرح وافي
الف شكر
دلوعة السعوديه
تسلمين على الرد
طيب سؤال وش الفايده من السنه التحضيريه .. احس انها مجرد تعجييييييز .. ما يكفي تعب التراكمي وغثاه
يوه بس .. الله يعين
اوفى البشر
ما قصرتي ربي يسعدك .. شرح وافي
الف شكر
دلوعة السعوديه
تسلمين على الرد
طيب سؤال وش الفايده من السنه التحضيريه .. احس انها مجرد تعجييييييز .. ما يكفي تعب التراكمي وغثاه
يوه بس .. الله يعين
المهرره
•
اهم شي القدرات والتحصيلي انا متخرجه الي اربع سنين من اهليه وانقبلت هالسنه في جامعة نوره ماله دخل المدرسه
الصفحة الأخيرة
يعني صار لي خبره في الجامعات
واقولك واقسم با الله على ذلك ..ان مافيه فررررررررررق
بين المدارس الاهليه والحكوميــــــــــه ابداً
اصلاً في التسجيل الالكتروني لما تجين تسجلين
فيه خانه مكتوب فيها
المدرسه اللي تخرجت منها
وهي خانه اختياريه يعني بأمكانك تجاوبين وبأمكانك ماتجاوبيـــــــــــــن
وراح تنقبليــــــــــن عااادي سواء جاوبتي وبينتي انك في اهليه
ولا ماجاوبتي وخليتيه فاضي ...مافيه فرررق
الفرق في القبول هو النسبه وعدد المقاعـــــــــد فقط
وترى الاشاعه اللي ذكرتيها قديـــــــــمه حتى من قبل اختبار القدرات والناس يتناقلونها ما ادري متى بيفهمون ..
لاحول ولا قوه الا بالله
......................
أما عن السنه التحضيريه
اللي هي مجموعه كليات تسجلين فيها وطبعاً تذكري زيـــــــــن مو كل الجامعات مثل بعض
انا بشرح لك نضام جامعه الاميره نوره الجديد
وش سوو في الجامعه قسموها الى قسميـــــــن بكل كلياتها
القسم الاول : السنه التحضيريه للتخصصات العلميه
والقسم الثاني : السنه التحضيريه للتخصصات الادبيه والاداريه
وفيه كليه الاداب لوحدها بدووووووون سنه تحضيريه
المهم بحكم اني ادبي بشرح لك السنه التحضيريه للتخصصات الادبيه
اللي هي اجتمعت مجموعه كليات مثل كليه التربيه وهي تضم تخصص علم النفس والتربيه الخاصه ووو ما اعرفها كلها با الضبط
وفيه كليه اداره الاعمال وفيها تخصص اداره اعمال ومحاسبه وتسويق
وفيه كليه الخدمه الاجتماعيه فيها تخصص خدمه اجتماعيه
المهم مجموعه كليات تشمل مجوعه تخصصات
قبل ماتدخلينها تدرسيـــــــن قبلها سنه تحضيريه فيها نفس المناهج
وطبعاً تكونين لسى مااخترتي تخصصك ولا حددتيه أبــــــــد
لما تخلصين السنه التحضيريه يشوفون كم معدلك ؟؟
اذا كان معدلك مرتفع تدخلين التخصصات الحلوه مثل اداره اعمال او علم نفس
او اي تخصص انتي راغبته
اما اذا كان معدلك منخفض راح تدخلين التخصصات الشينه
مثل الخدمه الاجتماعيه
واذا كان معدلك مررررره مو حلو على حسب مقياسهم
يطلعونك من الجامعه يعني ماكأنك درستي ولا كأنك انقبلتي في الجامعه حتى
وها الكلام ينطبق على السنه التحضيريه للتخصصات العلميه بعد
اما جامعه الامام مافيها سنه تحضيريه الا للتخصصات العلميه
بس نضامها مختلف با المره
يعني تختارين تخصصك من البدايه وتنقبلين فيه هو بعينه
بعدها تدرسين سنه تحضيريه خاصه با التخصص الفلاني
وبعدها مايخيرونك او يستبعدونك مثل الاميره نوره
لا
تكونين مختارته من البدايه والتخصصات اللي فيها سنه تحضيريه في جامعه الامام هي رياضيات وفيزياء وحاسب
وجامعه الملك سعود ماعندهم سنه تحضيريه بنفس نضام جامعه الاميره نوره
لا بنضام جامعه الامام
بس والله ما ادري با الضبط وش التخصصات اللي فيها سنه تحضيريه
في النهايه اتمنى افدتك ولو بشيء بسيط من اللي عندي
تحياتي لك