السلام عليكم ورحمة الله وبركاته
أخباركم ياحوائيات وش مسوين
وش آآآآخر صرعه نزلت بالموضه عشان نكون مع الخيل ياشقرا :icon28: لاونكون من المتخلفين
تجي وحده تقولك يووووووه ياقدمك وش نغمة جوالك هذا الناس تطورت اغاني وانتي باقي على الرنه العاديه
ترد عليها تقول والله ودي بس ماعندي بس ماطلبتي افتحي بلوتوثك بس وانا اعبيئلك الجوال
وبعدها تجي هالبنت وترسل لغيرها ولغيرها وكل بنت تاخذها وترسلها تتحمل وزرها وتحمل نفسها ذنوب وهي
موداريه ولاتقول وش هاللبس والتخلف ليه ماتلبسين عريان ومفتوح ترى الناس تطورت وانتي من عهد جدتي كم طويل كانك عجوز ولا ماشفتي المسلسل التركي خطيررررررر البطل يجنن وترسلها مقاطع تفرجي والله انه يهبل
وبعدين الى متى واحنا امعه ماعندنا شخصيه قالوا يمين يمين قالوا يسار يسار وين شخصيتك ليش ماتقولينها هذا حررام ولا ترسلينها لأحد بتكسبين
إثم كل واحد يشوفه او يسمعه وين شخصيتك المسلمه وين الأمر بالمعروف والنهي عن المنكر ولا تقولين لا أخاف تزعل وماتكلمني ولا تقول عني متخلفه بكيفها اهم شي ارضي ربي أكون داله على خير موعلى شر من بينفعني يوم القيامه
وانا احمل من الذنوب الشي الكثير ليش مااخليها خير ليش ماانشر شي يفدني في الدنيا والأخره خلك قويه في كلمة الحق
ولاتشترين رضا الناس بسخط الله
عن أبي هريره رضي الله عنه قال:قال رسول الله صلى الله عليه وسلم (من دعا إلى هدى كان له من الأجر مثل أجور من تبعه لاينقص ذلك أجورهم شيئا ومن دعا إلى ضلاله كان عليه من الإثم مثل آثام من تبعه لاينقص من آثامهم شيئا)
كل وحده تسال نفسها هي داله على خير ولا على شر
سبحانك اللهم وبحمدك أشهد أن لا إله إلا الله أنت أستغفرك وأتوب إليك
يلزم عليك تسجيل الدخول أولًا لكتابة تعليق.
الصفحة الأخيرة
وفعلا الناس صرات تتسابق على الموضه
واذا ماصرتي زيهم يتهزونفيكومايسولفن معك
عجبي لقومي000
هههههه