وش أسوي بحياتي تكفون ساعدوني يابنات

السلام عليكم ورحمة **** وبركاتة تكفوووووون ياخواتي ساعدوني انافي هم تعبت من التفكير وتعبت اهلي معي احترت ماعاد ادري وش اسوي انا تزوجت من ناس غير عنا عاداتهم تفكيرهم سكنت مع اهل زوجي وزوجي اكبر اخوانة وكان متزوج بنت عمة وجابت بنتين وطلقها قبل اتزوجة وهم عايلة مايحبون البنات يموتون في الولد ورزقنى **** منة بنتين بس ياخواتي زوجي معقد مايحب بناته ما يطلع بنتة بنتي تقول ياماما قولي لخالي يوديني للملاهى اقول قولي لبابا تقول لا كم مرة اقول طلعنا ودنا حدائق وادنا الاعاب خل بنتك تعيش طفولتها يقول مايصلح مايطلعنا بعد الشين للمخططات وهو من عايله مايطلعون بس انازهقت واي شي يخرب في بيتة ماصلحة الاعقب صياح وبعد شغل ناقص واهلة اذا خرب شي على طول يصلحة اقول ليش يقول اهلي يجونهم عرب وانتي ماحد يجيك حتى المبة اذا طفت تاخذ الشهور مايصلحها واذا نقص في المطبخ من الاوانى المهمة مايشترى ومايحب يوديني لهلى واهلةمايبوني اروح وانا متفقة معه انة اذا راح لدوامه يحطني عند اهلي لان دوامة بعيد ورافض اني اروح معة لانة يخاف علينا ومايرتاح وانامعة يفكرفينا وهويابنات يحبني بس بلكلام مافية فعل وهو عن نفسة انة مايقصر في كل شي بس اهلة يقوم ويطيح عندهم يهتم فيهم وهم عندهم غيرة بس معتمدين كلهم علية وهو تعود ودايم اقول انت تشتغل في الدمام واذا جيت ليش ماتخلي اخوانك ينفعون اهلهم بس اهلة كل ماراح لدوامة يتعطل كل شي لين يجي كذا خلهم يعتمدون علية وذاصار عندي يدقون علية ويطقون الباب ينادونة انا ماقول شي هذولا اهلة بس انا لي حق علية ابية يطلعنا يسولف معنا يكمل اغراض شقتة وهو من داخلة اهم شي ناكل ونلبس انا ياخواتي كل يوم اقول بيتغير بس نفسة واذا واداني لهلي يعاماني معاملة حلوة ويقول انا بمشيكم اذا خذيتكم وهو اذا خذانا حطنا في شقتنا وانا من يوم ماطلعت من الاربعين في شهر ثمانية وانا ابغى عمرة وقالي في رمضان وتخيلو ياخواتي راحت عمتي وبنتها وقعدو يومين وانا في بيتهم اشتغل حتى بنتي قلت لزوجي وادها لمي ويوم جو تخيلوا يابنات عمتي واختها وبنتها وجاء زوجي وانا قاعدين قال من الي بروح معي لمكة وانا يابنات احتريهم متى بيجون ابي اروح انا وياة بروحنا بس وش اسوى مافى يدى الاالبكى وراحوا مرة ثانية والحين ماخذ اجازة شهر اقول وادنا ويقول بعد اسبوع مادري انروح ولا لا بس انا الحين وداني زوجي لهلي علشان بنتي عندهم والحين افكر اعود معه والالا تكفوووووووووووووون ساعدوني ارشدوني ياخواتي فديتكم \\\أن الله في عون العبد مادام العبد في عون أخيه\\\\\