وش أسوي .. مع صديقتي .. ؟؟

بقولكم على سالفتي و إعطوني الحل :

زوجي عنده محافظه و خوف زايدين حبتين ... عشان أقرب لكم الفكره

عندي صديقه من فترة المتوسطه ..متواصله معاها بس بالتيلفون ..وأصدافها يا في سوق

أو مناسبه .. وتعزمني على اعراسهم و أعزمها على أعرااسنا ..أما زيارات منزليه لايوجد

دايماً .. تقول لي زوريني و انا أدور أي عذر .. لأن زوجي ما يقبل إني أروح لناس ما يعرفهم

أما عرسهم سمح لي أروح ..لأن العرس مكان عام
وأقول له ولله البنت كويسه دارسه معاها و أهلها سمعتهم ماعليها كلام

يقول لي : أنا ما أقول لك أن فيهم شي .. لكن بما أني ما أعرفهم شخصياً .. ما أحب

أنك تروحين لبيت ناس أجهلهم ..خليها هيا تزورك حياها الله أما إنك تروحين لبيتهم لا


يعني علاقاتي تنحصر بس بين الناس اللي نعرفهم .. ما أقدر أصاحب وحده خارج محيطنا

و أزورها..



طبعاً الحمد لله واثق مني تماماً .. لكنه حفاظه زايد حبتين

مع إنه مو من النوع اللي يقيد أروح أسواق ومحلات على كيفي .. بس في الزيارات مدري

ليش حساس ..


والبنت دايماً تتصل وش أقول لها ... أقول زوجي ما يرضى ازور أي ناس ؟؟ ..صعبه


والصراحه البنت حبوبه ...وماأبغى أقطع علاقتي فيها


وإذا طلبت منها زياره لي .. بتلح علي أكثر إني أزورها .. وش الحل في نظركم ؟؟