دونات123 :

شوفي حبيبتي انا عايشه الحالتين اخوي متزوج وزوجته عندنا بالبيت وتقريبا نفس زوجة اخوكي بالضبط يعني ماتمد يدها بالمطبخ انا امي متوفيه الله يرحمها بس عندي زوجة اب وهي كانت توديلها اكلها لشقتها ومالها شغل باحد واخوي من تزوج سحب علينا بمعنى السوق والمشاوير ماله دخل فينا ابد لو نبي شي وهو بيطلع السوق ماخذانا بس مانقول شي تدرين ليش لان ابوي هو الغلطان الحرمه من حقها يكون لها مطبخ وشقه كامله مستقله ولاهي ملزومه تطبخ غير لزوجها ولاتغسل مواعين احد فهمتي يعني المطبخ بالذات ينجهز للعروس قبل غرفة النوم نجي للشق الثاني انا رغم اللي شفته ان زوجة اخوي شايله يدها برضه تزوجت وسويت نفسها تمااما يعني زوجي هو ملكي فقط ماهو مسئول يودي خواته للسوق وللمشاوير اذا في حد مكانه يعني سواق انا اللي ماعجبني ان اخوك يتحكم بطلعاتكم دام ابوك حي وعندكم سواق خلاص ماله شغل بس لاتلومين زوجة اخوك بالنهايه لامطبخ ولاحريه ولاتحسبين الحريه باللبس لا الحريه ان عندها بيت خاص فيها لو جحر ضب وهي ترى لاجا الجد ماهي ملزومه تطبخ لكم هي راسها وراس زوجها تطبخ لعايله كامله وتغسل مواعين ليش وتقوم تنقع دجاجه وتخرب نومتها والله لو انا ماقوم يختي الحرمه مرات تسحب على زوجها وعيالها عشان تنام كم ساعه تبينها تلتزم بناس الشرع مالزمها فيهم لا والله انا من رأيي انك انتي واختك كل وحده يوم لها تمسك المطبخ من والى ولاتحسبون حسابها لاهي ولازوجها دام عندهم فرن يدبرون روسهم يعني اطبخوا وكلوا وغسلوا المواعين وخلاص هي بتنصدم بالاول بعدين بتفهم ان محد ينتظر احد وخلي امك تكلم اخوكي يسويله مطبخ حتى لو تحضيري وخلاص لان انا ماشوف بنت الناس غلطانه وحتى انتي مو غلطانه بس اختلاف وجهات نظر اللي انتي شايفته حق هي تشوفه باطل وبعدين ترى الوضع حساس اذا هي جميله وغيرت اخوكن عليكن مايصير تمثلين القصه حقت المسلسل على نفس وضعها اكيد انها بتشك انك تقصديها ولو انا مكانك شكيت مرة كنت جالسه انا وخوات زوجي ووحده منهم احس اني ماعجبها يعني تغتاظ مني زوجي يلعب كوره ودخل علينا قال والله تعبت تعب قلت مو باين عليك قامت هي لوت فمها قالت ايه صح مو باين عليك طبعا ادري انها تقصدني قلتلها زوجي بس انا اكذبه مو حد غيري وسكتت حتى زوجي انصدم وانا انصدمت بس عاد تستاهل بعض خوات الزوج يدقون بالكلام وع بالهم محد يفهم عاد انتي واختك لاتسوون كذا عشان بيجي يوم وترد عليكم وتصير مشكله

شوفي حبيبتي انا عايشه الحالتين اخوي متزوج وزوجته عندنا بالبيت وتقريبا نفس زوجة اخوكي بالضبط يعني...

غلا.....ي :

غلطانة حبيبتي من قالك ان الزوج لا تزوج صار من أملاك زوجته لدرجة حتى خواته مايوديهم مشوار والا يعتبر سواق في نظرك وبالنسبة للموقف الأخير ترى ردك مايسوى والمشكلة اخت زوجك ماعطتك على رأسك لو مكانها كان فشلتك قدام الكل وقلت لك تراه اخوي ومتربي بيننا ونعرفه من قبل يتزوجك يعني احنا ادرى منك اضمن لو ردت عليك كذا ماكان تجراتي بعد الموقف هذا تطولين لسانك عليها لكن اخت زوجك باين انها تسلك لك مالك دخل بينها وبين اخوها تكذبه تكفخه حتى لو تذبحه انتي في النهاية بنت الناس مابينك وبينه الا زواج وبكلمة منه ينتهي دورك وتنلغين من حياته بس هاذي اخته يشيلون اسم واحد وبعروقهم دم واحد صاحبة الموضوع اتوقع ان حركاتها علشان تطلع وانا عارفة ان الوضع هذا مو عاجبكم كمان انتم لكن الشكوى لله مالكم الا تتجاهلونها وتعتبرونها مو موجودة يعني دبروا أموركم زي قبل اطبخوا وغسلوا ورتبوا بيتكم ولا تنتظرونها ولا اصلا تنادونها ومتى ماجاعت هي او زوجها الله لا يهينها تهز طولها وتطبخ لزوجها ولنفسها وترتب اي شيء تحوسه ورآها

غلطانة حبيبتي من قالك ان الزوج لا تزوج صار من أملاك زوجته لدرجة حتى خواته مايوديهم مشوار والا...

دونات123 :

خلاص ابثرتونا يعني تركتي موضوع البنت وتفرغتي لردي كل شخص حر بتفكيره ومين اانتي عشان تحددي قيمتي عند زوجي ومتى مابغى يتركني لا لاتحسبين كل الناس مثلك اذا مالك قيمه انا لي ولله الحمد ماخرب البيوت الا الناس اللي زي تفكيرك ان الزوجه مابينها وبين زوجها غير ورقه ومتى مابغا رماها واحنا اخوات الرجال لنا حق بكل شي افهمي معنى الزواج قبل تتكلمي انا زوجي عندي بالدنيا كلها ولو يصير له شي ماهقيت احد بيوقف معاه غيري

خلاص ابثرتونا يعني تركتي موضوع البنت وتفرغتي لردي كل شخص حر بتفكيره ومين اانتي عشان تحددي قيمتي...

نثرالورد :

توت ودونات مااقول الا الحمد لله اللي عافانا مما ابتلاكم به والله لايبلانا بزوجة ولد مثلكم ربي يقلل جنسكم على الارض توت مثلك ببيت اهله تجلس احسن له ماهيب وجه حمولة .. ومفصفصة الموضوع فصفصة اجل مراة الولد تنزل من غرفته وتبلع وتوسخ هي وعياله وتنفض ايده زي ماقلتي وتقولين الشرع ؟ ليش الشرع قايل لاتقومين بنفسك وزوجك وعيالك وخلي الناس يخدمونك ؟ وتقولين ضيفة ياعجازة !! الضيف ثلاث ايام وخلاص يخدم روحه .. اذا كان الرسول وهو رسول صلى الله عليه وسلم يخدم نفسه وهو عنده خادم وزوجات كيف اجل بوحدة عند حمولتها سنين .. وليش مايلزمونها بالشغل ؟ الشرع تقوم بنفسها وزوجها وعيالها اذا هم يشكلون نصف البيت تاخذ نصف الشغل واذ الثلث او الربع تاخذ جزء من الشغل حسب العدد هذا هو الشرع خدمة لعايلتها اللي هي مسؤلة عنهم .. وانتي كل كلمة والثانية تقولين ماعندها مطبخ تبونها تموت من الجوع ؟ الحمد لله والشكر وين انتي حنا قبل ميئة سنة يوم كان الاكل يعتمد على المطبخ بس !! الحين الأكل يتواجد بكل مكان بس انتي شكلك مفجوعة على المطبخ .. وبكلامك هذا وفصفصتك للموضوع كانك بتقنعين البنات بطبعك بس لا ان شاء الله بنات الحمايل الطيبات اللي يعرفن الاصول والواجب زيادة على الدين ومتربيات عليه ماراح يسمعن لك .. اجل ليش الواحد لمن يبي يخطب يدور على بيت طيب ويعرفون الاصول والمواجيب كله خوف لا يطيحون بوحدة زيكم الله لا يبلانا .. دونات ..تقولين وش دخل اللقيط بالموضوع ؟ دخله انه ماله احد وانا ماسبيت اللقيط هو على العين والرأس وبعيوننا بس اقول انه يصلح لكل وحدة ماتبي اهل زوج وتبي تملك زوجها ..

توت ودونات مااقول الا الحمد لله اللي عافانا مما ابتلاكم به والله لايبلانا بزوجة ولد مثلكم ربي...

غلا.....ي :

ليش زعلانه ،، طيب هذا الصدق يعني تبين اطبطب عليك وأقولك برافو وعلى فكرة المتزوجات اللي محور حياتها حول زوجها مثلك وتشوف انه إنجاز هي اول وحده يتخلى عنها زوجها لانها فاقدة قيمة نفسها ماتشوف نفسها الا بهالقالب واذا جينا على مفهموم او معنى الزواج فأنا افهمه اكثر منك لان من ردودك واضح شلون تفكرين وكيف تصرفاتك

ليش زعلانه ،، طيب هذا الصدق يعني تبين اطبطب عليك وأقولك برافو وعلى فكرة المتزوجات اللي...