وش أكثر شي يزعجك بـ مجالس الحريـم .. ؟

السلام عليكم ورحمه الله وبركـــااته ..

هلا بكل من دخلت .. حياك الله

الموضوع باين من عنوانه ..

كثير نشوف تصرفات من بعض الحريم في الاجتماعات تقهر من جد
( وممكن احنا برضو تصدر منا التصرفات ) محد منزه اكيــد

لكن بالعاده وش اللي ما تحبين تشوفينه ويتكرر غالبا

-----------


اوكي أبدا انا

- أكره اللي تعيّب على الناس وتحكي فيهم علني او بالمساسر ان كانها تستحي شوي أو تخاف !
فلانة سوت وزوجها قال وعيالها فيهم وفيهم واتحدى إن هالحكي يفيد أي وحده من الجالسات بس كذا حش وتقطيع جلود وللأسف انه شي منتشر كثيير

-أكره اللي تعتبر حالها كاملة منزة عن أي نقص وعيب وتعتبر كل من نبهها عن شي بـ ( (اسلوب محترم) ) انه يغار / يبغى ينقص من قدرها و و و الخ
يعني صح النقد مو محبب بالغالب لكن ترى محد كامل واللله

-اكــــرة من كل قلبي من تتشمت على أحد طايح بـ معصية
احكي لكم عن موقف حصل قدامي يمكن يظهر اللي أقصده
مجموعة حريم بـ سيارة ينتظرون قدام مطعم
مرت سيارة شباب معلين على المسجل مررررة أغاني .. وحده من الاخوات نزلت سب فيهم مايستحون مو مربيين قلة حيا وقاحه ومدري ايش ..
طيب يااختي استفدي شي بالله عليك ..؟ ضايقتي اللي حولك بـ ألفاظك هذي بسس
استخسرتي حتى تدعي لهم بالهداية والصلاح وهذا أقل شي
نسيتي إن لك عيال أو اخوان أو زوج كبرهم وممكن في يوم من الأيام يسوون نفس التصرف أو أشد إن كانهم ما سووه من وراك ( من عيّب ابتلى )
نستي قبل كل هذا إن كلنا لنا ذنوب ومعاصي وممكن نكون نسوي أمور أشد منهم
لكن محد يدري : (


- أكره من شغلها الشاغل تعيّب على المطاوعه / الهيئه / الفئة اللي يظهر عليها مظاهر الدين وتتصيد اخطائهم .. وتتطنز على أشكالهم و و و الخ
شي واقعي وكلنا نسمعه ونشوفه
لكن هل فكرتي في يوم او تأملتي إنو كلنا مسلمين وورانا حساب !
الدين مو محصور لهم هم بس كلنا رح نحاسب على تقصيرنا والأخطاء
وحتى لو اخطأوا خلاص نحط اللوم كله عليهم !

.

.