اللي تسأل عن قمه المعمول صديقتي جربته في عزيمه لحمولتها انهبلوووو عليه في السبرنغ رول و الكبه بس ما ادري يقولون قفل!!!


والله يعطييييكم الف عاافيه كلكم

أم طارق ومحمد; والله انك صادقه من اسبوعين خذت من الجوهرة كيلوين فطاير ب 300

بس والله تحسفت على الغلا ..شي مبالغ فيه ..

يعني لو حطوا الكيلو ب 80 او 70 معقول

يعني ليش الاستغلال كذا..

ووحده من الاخوات حطت ارقام حريم وتمدحهم مرة وتقول شغلهم يخبل واسعارهم بعد روعه منهم ام طلال وام عبدالله المقرن وام بشار (اعتقد الاخيرة مو سعودية ))

اللي جربهم يقول لي لان عندي مناسبه الاثنين الجاي وناويه اطلب

تسلمون على تفعيل الموضوع عشان نستفيد منه


=============================================
=============================================


هلا خواتي شخباركم

توي صحيت بعد عزيمتي البارح تعبت فيها والله ..

العصير سويت بالبيت 3 اصناف وجبت نوعين من برا

واستأجرت صبابتين اخلاقهم روعه وفزعه ب 150 وحده اسمها سعاده والثانيه مدري نسيته بس انه غريب

حلى القهوة سويت صينية واحده كبيرة شوكلاته من مارينون

وجبت حلى كيلو واحد من الجوهرة اللي هو شوكلاته محشيه بالشعيريه روعه والكيلو ب 150 والباقي جبته من الصالحية على 80 ريال سعرهم معقول مقارنة بالجوهرة
وخليتهم الصالحية يصفونه لي في صينينيتين كبيرة شوي والتمر انا شريت 3فازات وصفيته قبل كم يوم

المعجنات جبت من ام عبدالله المقرن وروعه مرة شغلها طعم وترتيب سوت لي 3 صواني الصينية الوحده ب250 مليانه مره ووصلتها للبيت

العشاء اخذت جزء منه من مرحبا الهندي والله كلمة روعه شويه في حقه (البرياني _وماسالا لحم _وكراهي لحم وجلفريزي _وخضار))
وباقي الاكل اخذته من الفارس بس طبعا ماكثرت لان مناسبتي في البيت

حلى العشاء ..ماسويت شي تكفلت به اخت زوجي الله يعافيها من الى

وقدمت كيك اخذته من لافندر بعد العشاء مع مشروبات معدنية (( اكيد عارفينها اللي طالع لونها احمر وزهر وازرق)) سويتها بطريقة حلوة بس نص المعازيم طللعوا .. يعني المفروض بعد العشاء مانحط شي مابقى احد

وسلامتكم..

بنات وين مكان ألبينا بالضبط وكم سعر الشوكولاته عندهم؟؟

سنابل السلام ؛؛
الفطاير روعة ..!

مشكورين بنات على تفاعلكم الله يجزاكم كل خير .
ام طارق ومحمد
مبروك عليك تجملت ما شاء الله بعزيمتك .. بس حبيت تعطيني رقم ام عبد الله المقرن لو سمحتي يمكن سبحان الله احتاجها او يحتاجها احد من العضوات ...
وش احسن هي والا الجوهرة .
ومشكورة مقدما .