بإختصار انا اخوي متزوج من سنة ومعاه طفل بسم الله عليه
حصل بينه وبين زوجته اكثر من مشكلة متتالية ومابين كل مشكلة ومشكلة زعلة ولا فيه تنازل من احد الطرفين
الجدير بالذكر انه يحب زوجته حب جنوني وهي تموت فيه ( طبعا هذا الظاهر قدامنا )
بعد عاصفة من المشاكل ومن غير مانعرف لانه هو في مدينة أهل زوجته وحنا في ياأهله في مدينة ثانية وبتأثير من أم زوجته الله يهديها البنت بدت تطالب بأشياء تعرف انها تضايق زوجها وبدت تصر عليها ( هي امور تافه بس مدري ليه مصرة عليها)
مثل عباة على الكتف وهو يبي عباة على الراس ومثلها اشياء بسيطة ممكن تنحل ...
طبعا بالنهاية امها قالت للبنت ونصحتها مادامه يحبك ويموت بطفلك اضغطي عليه اذا صار بينكم مشكلة وانتي تبين شي قولي له طلقني ,,, البقرة صدقت وسوتها
واخوي انا اعرفه حساس مررررررررة ... يقول بعد ماقالتها لي كرهتها كره الموت حسيت كل الامور اللي قدمتها لها جحدتها ونكرتها وكل الحب اللي اعطيتها نسته ... يعني هو في لحظة حس انها تستغله او تستغفله حس ان هالسنة اللي راحت من حياته راحت عبث ... في النهاية هي عند اهلها وهو ماهو طايق يشووووفها بعد ماكان يموت فيها ,,,
وش انصحه فيه او وش ممكن اساعده فيه ..
والله ورب البيت شفت في عيونه دمعة وهو يتكلم ... حسيت روحه بتطلع لان أعطى واستنزف كل شي عنده من مادة ومن مشاعر ومن .. ومن .. كله لجل عيونها ..
عاد انا صرفت الموضوع وكأن كبدي تلوع ( انا حامل ) ورحت بسرعة للحمام كله عشان ما اشوووف دمعته على خده لانه كبير بعيني وراح يبقى كبير ,,, الله يوفقك انت وغمازاتك اللي مبطي ما شفتها لان الضحكة غابت عنك ...
والله مقهووورة مدري وش اسوي ... كيف ارجع له الثقة بالبنات تصدقون حتى انا كرهني ,,, وش اسوي ومعاه وليده قمر بسم الله عليه ...
نواير بنت أبوها @noayr_bnt_aboha
عضوة جديدة
يلزم عليك تسجيل الدخول أولًا لكتابة تعليق.
مادري احسن لازم يكون معها حازم ويحدد اموره ياانسانه تريحه وهو كمان يريحها وتسمع كلامه وتحسسه برجولته والا البيوت مليانه بنات بنوت جمال وكمال يشوف نصيبه وتشوف نصيبها لان المراءه اذا ما طلع عندها تمسك بحياتها راح تكون جحيم 00يسالها ويتناقش معها يا ابيض يا اسود وهو يراجع نفسه اذا هو مخطى معها بشي والله يهدي امورهم ويصلحها
والله ياحبيبتي اخوك باالحاله هذي مايبغى نصيحه يروح عند اهلها ويتفاهم معها وخلاص
تبغاه ترضى وترجع ماتبغاه الله يسهلها
هذا زواج مو كل يوم زعله وهواش ولازم يكلم اهلها الله يفرجله ان شالله
تبغاه ترضى وترجع ماتبغاه الله يسهلها
هذا زواج مو كل يوم زعله وهواش ولازم يكلم اهلها الله يفرجله ان شالله
الصفحة الأخيرة
اصعب شيء على الرجل اذا الحرمه انكرت حبه لها وجحدت العشره الطيبه
وبدلتها بأشياء تافهه
وزوجته غبيه وش له تسمع كلآم آمها
اذا طلقها وش بتسوي غير انها تندب حظها