السلام عليكم ضاقت فيني الوسيعة
موقفي معه كنا طالعين من السوق وعند السيارة وانا افتح الباب بشكل عفوي اناظر وراي الا فيه سيارة واقفه واحد فاتح الدريشة ومعه زميله
وزوجي شافني يوم ناظرت بالسيارة فتحت باب سيارتنا وجلست قمت ابرر عشانه شافني يوم ناظرت ورا
وذي غلطتي ابرر وانا ماغلطت
قلت له اناظر وراء ليكون فيه احد قام يحد نظره وصرخ وقال لعنك ولعن من رباك
محشومين ولكن من قهري اقول لكم
قهرني وأذاني بهالكلام
ماني معه سنه والا سنتين ويعرفني محترمه وام عياله
ومن قو الألم وتعديه على امي وامي وقدام عيالي الصغار
طلعت نمت ذيك الليلة برا الغرفة
بس الليلة الثانية رجعت غرفتي عشان بناي ماتلاحظ
قام هو ماينام بالغرفة له اسبوعين
وهو عارف ان الغلط عليه وتعديه على اهلي باللعن غلط
ويدري انه غلطان بس أخذته العزه بالإثم
شلون يبيني انا انكسر واجيه اعتذر وهو اللي غلط
ولافيه شيء سويته عشان يعطيه مبرر اللعن
والا مبرر للقطيعه هالاسبوعين زود على انه هو اللي غلط
قهرني احيان بهالرمضان ودي ادعي عليه
واخاف الله يستجيب
مدري وش اسوي
تعنيف نفسي لاحول ولاقوة الا بالله
امي وابوي عايشين ولا ودي اوجعهم بأي شي
الحياة اوجعتنا كفايه
الألم الجارح @alalm_algarh
عضوة نشيطة
يلزم عليك تسجيل الدخول أولًا لكتابة تعليق.
lome_1996
•
مايحتاج الموضوع تروحي لاهلك من وجهة نظري اتركيه بحاله وخليك طبيعيه وقومي بحقوقه واذا حسيتيه بدا يرجع افتحي معاه الموضوع انه ماتهينني ولا تجيب طاري اهلي على لسانك بس بأسلوب ووضحي له انه مافيه غلط منك طبعاً ذي وجهة نظري وانتي ادرا بزوجك ثاني شي لا تبرري على كل شي الا اذا سألك ولا تكثري تبرير احيانن كثرته تشكك الواحد وتنزل من قيمته انه مو واثق من نفسه
امي وابوي عايشين ولا ودي اوجعهم بأي شي(((( الحياة اوجعتنا كفايه )))
استوقفتني هالسطر بالذات اخر 3 كلمات
روحي ياشيخه اسال الله العظيم رب العرش العظيم ان يجبر خاطرك ويسعد قلبك ويقر عينك بكل مايفرحك..
طنشي ووكرري لاحول ولاقوة الا بالله.
استوقفتني هالسطر بالذات اخر 3 كلمات
روحي ياشيخه اسال الله العظيم رب العرش العظيم ان يجبر خاطرك ويسعد قلبك ويقر عينك بكل مايفرحك..
طنشي ووكرري لاحول ولاقوة الا بالله.
الصفحة الأخيرة