كيفكم ياحوائيات يا عسولات عساكم بصحه وعافيه>>>>>>> دوم يارب
اليوم جايبتلكم فكره من افكاري الجهنميه بس فكره ختيييييييييييييره
المهم كلكم تعرفون ايكيا حبيبة الكل واغراضها الحلوه
يعني من تدخلين بيت وحده حتى وإن كان مره فخم ومرتب تعرفين انها قضت من عندهم وبكم ومن اي رف بالضبط في ايكيا من كثر معرفتنا باغراضهم تروح حلاوة الشي
فقررت افكر وابدع واغير شوي فبدأت التخطيط وكانت الخطوات كالتالي:
عرفتوا المرايات الصغيره المربعه اللي طرفها خشبي متاكده انكم عرفتوها قبل ماأنزل صورتها
انا شريتها لبيت أهلي وكنت حاطه في بالي فكره معينه ومقرره المكان وكان هذا الجدار
وبعدين رحت لمحلات الكلف واشتريت قماش (شامواه ـ مخمل ـ قطيفه )مدري شتسمونه بالضبط اخذت لون الموف البنفسجي نفس لون وحده من المساند الملونه متر واحد كفايه لأني بشتغل على ثلاث مرايات بس
واخذت كريستالات ملونه بارزه على فوق شوي باحجام مختلفه ومتنوعه هذا اللي راح احتاجه بالاضافه لغراء الكهرباء ومقص .
رحت لبيت أهلي بعد كم يوم وانا كلي حماس ببدأ التنفيذ وعمل لوحه فنيه بأناملي الرائعه هالحين العالم كله بيشهد على أعمالي والحريم بيتحاكون عن إبداعاتي لأن العمل بيكون في مجلس الحريم
وانا اللي ادخل وتجيني صدمه قويه حسيت بدوران الأرض سبعين دوره في الثانيه ياااااااااااااي تخيلوا وش شفت احلامي كلها انهارت قدامي شفت هالمنظر
لا مستحيل ,:mad:
قلت لأبوي فديته عالفكره اللي في راسي يسلم راسي ولما شافها مبدئيا عجبته حيل
واقترح إن الجدار اللي بيكون عليه التنفيذ يتغير ويصير لونه مختلف عن باقي الجدران
واخترنا لون البويه وكل شي صار تمام التمام الحمد لله بس في خبر لكم مو حلو :35:
بلييييييييييييز لاتعصبون علي نسيت اصور مرحله العمل والله من كثر الوناسه والحماس
متاكده ماراح تزعلون مني فديتكم قيموني تمام واشكروني عشان اتحمس واشوف حالي فيكم المهم نرجع لموضوعنا بوريكم العمل بشكله النهائي
ماشاء الله تبارك الله اذكروا الله
وهذي صوره ثانيه لعيونكم
هنا زوووووووووووووووم جامد لعيونكم الحلوه
طبعا مثل ماقلت لكم هي ثلاث لوحات وكل لوحه عملتلها شكل مختلف طبعا لأن امي كانت مصممه على شكل معين وانا معنده أكثر منها فقلت حرام نرضي كل الاذواق بس بصراحه صارت احلى بكثير لما غيرت الاشكال قصدي توزيع الكريستالات
شوفوا الجدار قبل كيف كان :
وهنا بعد (الصوره النهائيه )
لاتحرموني ردودكم وشكركم ترى بفرح فيها اكثر من فرحتي باللوحات
البيت كله مشترك معاي في هالموضوع ومتحمس أبوي الله يطول عمره مسؤول عن البويه وتعليق اللوحات وامي فديتها من أمس كل ماشافتني تسألني ها نزل موضوعك ولا لأ واختي ساعدتني في تحميل الصور وانا احترقت اعصابي خصوصا بعد ماانحذف موضوعي
بس الحمد لله ***** الله ردودكم وشكركم يبرد على قلبي
أبدعتي