home2006 :

ههههههههه انا اكثر موقف اتعرض له ان الكوريين عايزين يتصورو معايا سواء رجاله او ستات وطبعا ارفض واقول لهم لو عايزين يتصورو مع ابني يتفضلو ام انا لا ..........

ههههههههه انا اكثر موقف اتعرض له ان الكوريين عايزين يتصورو معايا سواء رجاله او ستات وطبعا ارفض...

حمرة الورد :

مرحباً هلا .. ما اقدر اشوف موضوع عن المواقف ومااشارك .. اتذكر أول ماجيت وكانت لغتي ضعيفة جاني اسباني في وول مارت وقالي ليش لابسة كدا وشوفي مرتي كيف وهل رجالكم يلبسوا زيك ؟ وكان زوجي ماشي قدامي وماشاف الرجال وأنا اصبره ابغى انادي زوجي بس مارضي ينتظر خاصة لما شاف اني ما عرف اتكلم انجليزي زي الناس . بعدها بمدة قصيرة رحنا تويز ار اس وجا ولد وقف قدامي وهاتك ياضحك لحد مافور دمي وجا ابوه يشد فيه خجلان منه وقاله قول هاي وعرف بنفسك .. وكان لابس بلوزة عليها سوبر .. قمت صافحته وقلت له انت سوبر بوي ؟كانت لغتي تحسنت شوية .. كتييييييييييييييييييييير قالوا لي بدري على الهلوين والا فاتك الهلوين .. وياما اطفال يبكوا لي .. وواحد ولد قال لولدي هده امك؟ شكلها مرعب .. وفيه بنت في البارك قالت لامها هده ليش متخبية ؟ امها قالت لها هي لابسة فستان حلو.. كنت شوية اقوم احضن الام :) ومرة واحد قالي انت شبح ..طبعاً صغير .. ومرة بنت تجي 3 سنين جات وقفت قدامي تأشر علي قمت شلت نظارتي واعطيتها هي .. فرحت وراحت :) كل هده المواقف اضطرتني اغير لون حجابي من سكري او بيج الى ألوان غامقة .. وقبل كم يوم شفت بنت صغيرة جداً حجمها مرة صغير وقعد تأشر لي بيدها هاي وانا ارد عليها وبعد شوية صارت تشد في أمها وقالت لها ماما هدا جيسس ؟ مافهمت الا لما أمها قالت لها : لا هدا مو جيسسس .. لما قلت لجوزي ضحك وقال حتى ماقالت ميري !! أظني طولتها وهي قصيرة .. ايوة تذكرت موقف مرة مهم .. كنت في السوق وجوزي قاعد يستأجر عربية أطفال وأنا واقفة استناه واحس بيد على كتفي وجا في وجهي وجه رجال كبير في السن ما اعرف ايش قال ولا اية لغة لاني دخت لما اكتشفت انه رجال حط يده على كتفي بس كان الظاهر انه مبسوط لانه مبتسم .. ومرة في وول مارت جاتني بنت قالت لي حلو لبسك ..تقريباً 14 سنة .. وتكرر نفس الشي في تارقيت مع وحدة صغيرة يمكن 8 سنين.. آخر موقف مؤثر حصل لي من بنت مسلمة تزور مركزنا الاسلامي قالت لي يعجبني نقابك مرة وأنا طلبت من أمي اني انتقب زيك .. ايش اسمك؟

مرحباً هلا .. ما اقدر اشوف موضوع عن المواقف ومااشارك .. اتذكر أول ماجيت وكانت لغتي ضعيفة...