وش اختار هديه لي.

السلام عليكم
كيفكم
انا زوجي ماقد اهداني مرا مرا مرا
حتى ايام الملكه
ونا الحين متزوجه لي ثلاث سنوات
وياما انقهر من الهدايا الي يصورونها صديقاتي من ازواجهم
ماشاءالله الله لايغير عليهم
كلهم جتهم ايفونات اكس ماكس ونا اطالع واتحسر
وياما كلمت زوجي ابي هديه ابي هديه ولايعطني وجه
واخر شي امس جلست اصيح قلت كل الناس جتهم هدايا الا انا مابحياتك فرحتي بشي 😂 ورحمني قال خلاص بالعيد اجيب لك هديه بس وش تبين هديه
قال تبين ايفون ؟ قلت خلاص ماعاد ابيه كل الحريم اخذوه
قال قولي لي وردي علي


الله يسعدكم وش اطلبه بما انه ماقد اهداني فكرت ذهب لاكن الذهب مايجلس عندي ابيعه على طول تحكني يدي مااصبر
ولايفون كل خوياتي معهم وكرهته ابي شي جديد
غير الذهب والايفون
والله فرصه ماتتعوض وهذي اول مرا واخر مرا اتوقع بيهديني
مابي شي يخص البيت ابي شي يخصني انا.
الله يسعد كل وحده ردت علي سعادة الدارين.