وش اريكم في هالعائلة الفاشلة

رايكم في هذة الحمولة هل تصلح اهل لأولدها و احفادها
ابوي تزوج امي و من اول يوم دخلت عليهم علي طول قالت جدتي ما عندنا عشاء احنا ننام خفاف كذا كره من الله بدون سبب ومن ثاني يوم خلوها تشتغل بالمطبخ ينامون و هي لوحدها كانها شغالة مو حرمة ولدهم و جدتي تتشرط مقاس البصل و الطماطم كذا و بعد ما يخلصون و يبلعون كل واحد يروح لغرفته و يخلونها تغسل المواعين و ياويلها لو نامت تقعد حارس تحرسهم لحد العصر و تسوي لهم الشاي و القهوة و هكذا و لم تيجي تفطر الصباح تكون تحت الحراسة المشددة ما تقدر تاخذ حتي قطعة جبنة و لما حملت قاموت جدتي تقول لها لازم كل يوم تصعدين الدرج و تنزلين رياضة للحامل في الأشهر الأولي و طبعا هي نية جدتي خبيثة وكانوا يخلونها تغسل مفارشهم الثقيلة و السجاد و في رمضان تشتغل لهم بدون رحمة و هي حامل يجمعون المواعين حقت شغل رمضان من اول النهار لحد الفطور عشان تغسلها و مافي احد يساعدها غير ابوي وكانوا جيران جدتي يشوفون هالشيء و يرحمون امي و هي ما ترحم و طبعا لما تيجي تغسل الملابس كانت جدتي تشيل الصابون و الكلوركس عشان امي ما تنظف الثياب و كانت امي تروح تاخذ الصابون من جارة جدتي و لما يجيب ابوي شيء لأمي تاخذ منها حتي اكل الأطفال و حفاظات الأطفال تاخذ منهم مع ان ما عندهم اطفال و لما امي تروح عند اهلها يفتشون غرفة النوم و لما تيجي امي يقعدون يعددون اللي في الغرفة و انها ما تعطيهم اي شيء من اللي عندها مع ان ابوي يقسم بينهم الأغراض بالنص و ابوي مو الكبير عمي هو ولي امرهم بس شايل يده و الحب له هو و عيالة و طبعا امبي لما جابت اول مولود بنت قالوا طلع لها اسنان فوق قبل اللي تحت قالوا اكيد امها و ابوها راح يموتون و و لما مات جدتي اتهمو البنت الصغيرة انها هي اللي موتت جدها و ما خلته يتهني في حياته و لما طلعت امي من البيت و سكنت وحدها ما خلصت الحكاية كل يوم يطلعون عليها سالفة كل يوم يرسلون عمي يراقب امي و ين تروح و ين تيجي المشكلة امي ما تروح لأحد غير جارتها حرمة كبيرة بالسن حتي انها كانت تساعد امي في شغل البيت و غسيل الملابس كانت تحب امبي و هعم ما يبون امي تصير محبوبة و طبعا ضروي كل يوم حتي لما سكنت في بيت تزور جدتي و جدتي ترمي عليها كلام جارح لية ما تاكلين شايفتني ساحرة حتي لما حملت امي باخوي الصغير كانت تدعي علي اللفي بطنها يتفتت و يتقطع وهو في بطنها و حتي عماتي يدعون علينا بالموت و عمي كذلك وده نموت في حادث سيارة عشان يورث ابوي و حتي بنت عمي مرة جاتني و قالت بقولك شيء و قلت لها قولي قالت إن شاء الله ابوك يموت بحادث طبعا هذا الشيء حز في نفسي لحد اليوم ما اقول غير حسبنا الله و نعم الوكيل
طبعا كانت خالة جدتي تيجي عندنا البيت و فرق السما عن الأرض في المعامله و كانت تحذر امي من جدتي و تقول انتبهي منها تراها ساحرة و تسوي كذا و كذا طبعا امي ما صدقت بس بعدين صرنا نشك فيهم لما تيجي جدتي عندنا و تطلع نشوف شوكولاتة و اشياء غريبة ما عمرنا شرينا منها و لما نجتمع في العياد يرمون علينا كلام الغداء ما يكفي كل الموجودين
لما توفي عمي راحت امي تعزيهم قاموا طردوها قدام الرجال و النساء كلهم عالم من الناس انطردت قدامهم و جاء اخوي و طردوه بعد
تمنيتهم كلهم ماتوا بدل عمي افضل عم في الدنيا مات
و عشان يكرهون امي ما شوهو سمعتنا تخيلوا معي رحنا نخطب لأخوي و يو م دروا راحو لهل البنت و قالوا لهم خوات المعرس سود و شعرهم مفلف و معاملتهم زفت و شايفين نفسهم طبعا درينا بعد الملكة و عمة العروس هي اللي قالت لنا فلانة عمتي هي اللي قالت الكلام طبعا عمات العروس واجهوها و صاروا ما يكلمون عمتي و طلبت عمة العروس نقل من المدرسة اللي فيها عمتي
و لحد اليوم يراقبون بيتنا بديت اشك فيهم انهم ناس مو صاحيين ابدا
و الحين كلهم رافضين يستقبلون امهم جدتي اللي خلت امي شغالة لها و يبونها تقعد عندنا
عرفت الآن لية شوهو سمعتنا عند الخطاب و الناس عشان نخدم امهم
ساعات افكر ليتها ميته بدل جدي لأنها شر