مشكورين خواتي ماقصرتو بردودكم علي
بس انا مافهمت وش جيلة - ملة شكر معليش زودتها شوي معكم

يعني الحين الساقو ماطحنه اخليه مثل ماهو لاني قد قريت انه ينطحن والا هذي طريقة ثانية له

وهل هو يذوب من حاله؟؟

والا يصير متكتلة هالكور مجتمعة مع بعض اذا كان بخصوص الحلى اللي تقصدينه يارهوفة



وماتقصرون يطولي باعماركم,,,,,

حبوبه المله = اللي نحط فيها الشوربه يوم نشربها <---- اونها فسرت هههههه

والجيله.. هي العلبه اللي تكون حمرا مالت السميد .. ان شاء الله عرفتيها..

واحنا عندنا في الامارات في بيتنا تحديدا ما نطحنه :)

عزيزتي ريم ..

حاضرين ودايماً بالخدمة..
احنا في البحرين ما نطحن الساغو و الطريقة التقليدية بشفشفة السكر >>>
يعني تحمرين السكر كما ذكرت الاخت غزلان>>
بس لاني ما احب اتعب حالي واسوي كلشي باقل وقت وتعب اتبع تلك الطريقة والزعفران و اللون الصناعي يغنيني عن الكراميل
و كمان صحي اكثر على ما اعتقد :cook: يعني فاهمة كل شي!!
اما بخصوص الحبيبات في ناس بحبوها محببة اما انا احبها بدون حب مثل الحلوى ..اقصد سايحة لذلك عليك التحريك المستمر واضافة ماء الورد بالزعفران زيادة اذا احتاج الامر ويمكن ان تري بأن الحبيبات لم تختفي تماماً لكن لما اصبيها على طول في الطبق
راح تختفي الحبيبات.
اتمنى اتجربيها وتعطيني رايك.........وبأأأأأأأأأأألف عافية.

حصلت لج هذول من المنتدى:

هنا


واليكم طريقة الاخت كامبوشا:
مرحبا اخواتي عندي لكم محلبة ساقو


لذيذة وخفيفة اممممممممممممممممم قاعد اكلها وانا اكتب لكم

المقادير:

ثلث كوب ساقو
اربع اكواب حليب سائل
نص كوب سكر
ربع كوب ماء ورد منقوع فية زعفرات
نص ملعقة صغيرة هيل مطحون
ملعقتين طعام كستر
فستق للتزين

طريقة العمل:

انقع الساقو في ثالثة ارباع حليب لمدة نص ساعة
وبعد النص ساعة اضيف لة ملعقتين الكستر واخلطة في الخاط علشان تذوب حباب الساقو

بعدين احط الحيب في قدر على النار مع السكرلما يدوب السكر والهيل

احط علية خلطة الساقو اخلية على نار متوسطة مع التقليب من قت الى اخر

ولما تصير ثقيلة احط ماء الورد والهيل واقلبة قليل

اسكبة في صحن التقديم
وازينة بالفستق واخلية في الثلاجة على الاقل لمدة ثلاث ساعات ثم اقدمها

امممممممممممممممممممممم

وانا متأكدة أنك راح تدعين لي

وشكراً

ماقصرتو يابنات الله يعطيكم العافية

بس ياغزلان والله مافهمت وش تقصدين بالجيلة ههههههههههههههه معليش فسريها لي اكثر وش علبة السميد