وش اسوي ب العزا ساعدوني امانه

يا بنات انا فيني طبع خااااايس والله بسببه اصير بموقف محرج امانه لحد يهاوش او يسب والله غصب عني مو بيدي والله مو بيدي تعبت ونفسي الاقي حل
انا فيني طبع غريب بوقت الصدمه ما اتاثر ولا شي والله اصير مثل الجماد
يعني فارقت اعز الناس علي وقطعه من قلبي والله جلست ساعتين ساكته واتفرج على خلق الله قلبي يبكي وحزينه بس عيني وعقلي مو مستوعبين بعد ساعتين انهرت جلست اصيح بس بعدها تصيبيني حالة ضحك يا ناس اجلس اضحك كني مجنونه
توفت زوجة عمي الله يرحمها برضو جلست ساعه وبعدها بكيت سافرنا لعمي عشان العزا دخلت بيت عمي من رهبة الموقف والناس تبكي جتني حالة ضحك وعندي بنت عم نفس طبعي صارت عيني بعينها والله حطيت راسي بين ايديني وصرت اهتز وهي انسدحت من الضحك
برضو جدتي توفت الله يرحمها ما بكيت الا بعد ساعتين وثاني يوم اجتمعت العيله ويبكون وانا جاني الضحك انا وبنت عمي




المشكله توفت زوجة عمي امس برضو نفس الشي ما بكيت الا بعد فتره
وبكرا نبي نمشي للعزاء ومراح اوصل الا المغرب يعني وكل الناس مجتمعه خايفه من الحين ومتوتره اخاف اضحك وانفضح عند الحريم عاد كلهن غرب اول كانو يقولون صغيره وجاهله لحد يواخذها اما الحين انا متزوجه وام
ماني عارفه كيف اسيطر على نفسي كيف اشيل رهبة الموقف مني كيف اصير طبيعيه مابي اضحك مابي اتفشل وانحرج لو قدرت اسيطر على نفسي كيف اتحاشى اشوف وجه بنت عمي
امانه الي عندها حل تكتبه والي ماعندها تدعيلي
والله الي فيني يحرج ورب البيت غصب عني ومو بيدي اهلي كلهم يرسلون ويقولون لا تضحكين قررت ما اروح للعزا بس امي رفضت الا اروح وتوصي اني امسك حالي وما اضحك ياربي والله تعبت