وش اسوي رفعت ضغطي ؟؟ خلاص تعبت !!

السلام عليكم

انا ساكنة في سكن جامعه و البنت الي معاي بالشقة ترفع ضغطي
انا بقول ايش تسوي وانتوا احكموا :

1 صوتها عااااااالي مرة اذا جت تسولف ع الجوال يا لطيف اسمع صوتها وهي بغرفتها !!

2 لازم اذا كنا طالعين الخميس للسوق بالباص او باي مكان عام تكلم مدري خالها / عمها / اخوها بصوت عاااالي ويا حبيبي اشتقتلك و من ذا الكلام عشان العالم كلها تطالع فيها وانا قد قلتلها وطي صوتك بس لا حياه لمن تنادي يمكنها صادقة في مشاعرها بس خلاص لا تلفتين الانظار بهالكلام !!

3 دايم اذا في اختبار تقعد في غرفتي 24 ساعة (خلينا نذاكر مع بعض !! )
طيب هي ما قد كلفت على نفسها تقرا الكتاب قبل الاختبار بس تجي عندي : زينب انا مو فاهمة شيء اشرحيلي !!
طيب مرة مرتين ثلاث عادي حتى اذا تبغاني اشرحلها شيء بسيط مو تحط الكتاب بكبره عندي وتقول فهميني ليش مدرسة عندك انا !!

الحين فهمت ليش امها ماخذه رقمي واول ما شافتني قالت خلاص انتي و بنتي تذاكرون مع بعض انا وقتها على نياتي قلتلها ابشري ومن ذا الكلام ..

والبنت الثانية الي معاي بالشقة تقولي تراها تستغلك يعني ( مصلحجية) لانها غير ايام الاختبارات قاعده في غرفتها ما تطلع ولا تجلس تسولف معانا واذا صار في اختبار تقعد عندي 24 ساعه تبني حتى احفظها
وهي اساسا تهاوشت مع البنت الثانية لانها فاهمة حركاتها و تبين لها اني فاهمة
فصارت كل ما تسولف عن البنت الثانية تقول ما اطيقها ولا اقدر اتحملها

اليوم توي راجعه من الكلية منهد حيلي وتعبانه ، ما امداني ادخل غرفتي ابدل ملابسي الا هي تدق الباب بقوة
ها بديت مذاكره (لاحظوا الاسلوب )
قلتها :لا بعدين برتاح اول
خلاص بعد المغرب نبدا (تحددلي متى ابدا بعد ! )
قمت قلتها : طيب (جيت اسكر الباب الا هي تدق مره ثانية )
صحيني اذا بديتي تذاكري !! (خير انا امك ولا ايش .. )

انا مو اني ما احب اساعد زميلاتي بالعكس انا اكثر وحده اساعد بس خلاص كل شيء له حدود يعني هي لا اهتمت ولا ذاكرت بعدين تبيني اجي اشرحلها من اول ومرات اصير خلصت مذاكره وابي انام وهي بالغرفة عندي تحفظ بعد ما فهمتها
احاول المحلها ابغى انام ذاكري بره بالصاله تقول : مدري انا ما اعرف اذاكر لحالي ( طيب روحي دوريلك غيري !! )
بالاخير اضطريت انام واللبمة مولعه وهي قاعده تذاكر عندي !!
والمشكله لمن اشرحلها تلعب البلاك بيري بعدين تقول صعب ما فهمت !!
الترم الاول كان في ماده الاحصاء بالانجليزي وهي ما قد ذاكرت محاظره وجت بعد السفر وخلتني اشرحلها الكتاب بكبره
الترم الاول كل المواد ذاكرتلها ماعدا العربي


طيب الحين وش اسوي بها .. ما ابغى اشرحلها شيء ... ابغى اذاكر زي الناس مو اشتغل مدرسة خصوصيه !!
اقولها بوجهها ؟؟ المشكله مو ناقصة مشاكل معاها
اسوي نفسي نايمة ؟؟ ما عندها مشكله تدق الباب لين اصحى

هي البنت مو سيئة هي ما عندها لباقه ولا تنتبه لسلوكها مع الناس .. يعني معدنها طيب .. بس اتوقع مستحيل اتفاهم معاها .. راح تصير هواشة ..

وعلى كلام البنت الثانية الي معاي هي ما تتهاوش معاك لانها محتاجتك تفهمينها .. يعني مو حبا في ههههه

طيب الحين ابغى حل عاجل .. طفشت ..