وش اسوي كرهت الأكل

اول ما تصحي من النوم اكلي شوية بسكوت مالح
يقولون ينفع
او احيانا احمل لي نصف ليمونه كل شوي اذوقها
اذا عطوك حبوب تنفع بس لا تكثري منها

الله يسهل ويتمم على خير ويعين
اذا انتي كارهه الاكل انا كارهه البيت مو طايقته
ما اكل فيه الا الخفايف واللحوم ما اقدر حتىاسمع اسمها
ومن اطلع من البيت ومن منطقتنا ارتاح
ومن نرجع لها بالسيارة يرجع لي الضيق
والغثيان

كنت مثلك غثيان بدون ترجيع وحتى المويه احس فيها طعم غريب مراره او بلاستيك شي غرييب واذا شربتها يصيرطعم حلقي مقرف 😫😫😫 ادمنت البيبسي والموهيتوا اشربهم بالهبل بدل المويه 😫 بس طبعا الدكتوره مااعطتني شي اتقول طبيعي بس اذا ترجيع اعطيك 😫
كنت اكل بسكوت ، كورن فلكس ، سريلاك ، ايسكريم الكاسات ، مااقدر اكل دجاج بيض رز مكرونه هذولا يسببون مغص وامساك 😫التوست والاجبان كنت اخذ جبن فيتا وشريحه وحده توست 😫

مالك الا الخفايف مثلي والله يسهلها عليك 😘

كنت نفس حالتك ويجيني هبوط بالضغط واروح المستفى لين الدكتور آلي بالطوارئ حفظني صار يقولي اخاف تلتهب عروقك من المغذيات قالي حاولي تاكلين اي شي مالح برنقلز شبس شابوره بعدها تعلمت اول مااصحى جمبي برنقلز الازرق لانه خل وملح واشرب معه مويه فرصه لان كنت حتى المويه اتقرف منها واشتريت شابوره خرفي او تسالي وادهن فوقها جبنه او لبنه واكل زيتون الزيتون مفيد وزين حاولي تاكلين تين مجفف وفواكه مجففه واكل تفاحه وخياره او طماط مقطع انتبهي ياقلبي مب زين الجوع لازم تجربين وش تقبل نفسك عليه حاولي والله يتمملك حملك وتقومين بالسلامه وتشوفين جنينك معافاه انتي وكل حامل

حبيبتي انتي نفس وضعي
الحمد لله لقيت الحل في الليمون اعصري نصف ليمونه كبيره في كاس ويزيدها مويه واشربي منها كل مادخلتي المطبخ واذا نقص كرري انا صرت المويه اشربها من نفس الكاس بالليمون الحمدلله فادتني بشكل كبير مع اني اخذ حبوب الغثيان وخلي اكلك فواكه زي العنب وابعدي عن الزيوت والمنبهات
اتمنى تردي اذا جابت نتيجه

اصعب مرحلة في الحمل الوحام ،اصعب من الثقل والضغط والألم الجسدي
عن نفسي اكثر مرحلة أكرهها هي بداية الحمل ،احتسبي الأجر وبإذن الله تعبك هذا مايضيع ...

وتذكري هي الشهور الأولى ويخف بإذن الله ..

وخذي حبوب الغثيان صح ماتقطع اللوعة ولا تفتح الشهية لكن مساعدة وتحد من التعب
الله يخفف عنك ويسهل حملك وولادتك 🤍