وش اسوي معاه عطوني حلول حكيمه وبمشي عليها

السلام عليكم
صلو ع رسول الله
مشكلتي يا اخواتي فزوجي عدم اهتمامه فيني ولايسال عني ولايطمن علي ولايدق علي ابدا ابدا
ولو اغيب عنه شهر مايسال طبعا هذي مشكلته من اول ماتزوجنا وبدات تزيد اداوم فمنطقه بعيده قرابه الساعتين وهو كمان يداوم بعيد ولاعمره فكر. يوم يدق يطمن وصلتي اولا وش اخبارك وش تسوين الحين انا اسال واهتم ولما يتعب اكثف اهتمامي له اقول يمكن يحس ع دمه ولايعبر يعني مهملني عاطفيا وفيه جفاف معي ماعمري خسيت اني زوجته مايعاملني كانثى ابدا وتعروفون الوخده منا تحب زوجها يهتم فيها يخاف عليها يغار مدري اش قصته مع انه دايم يقول والله احبك
المهم انه قبل اسبوع قلت له تعبانه ومتضايقه قام يابنات قلب علي لانه احيانا تجيني ضيقه واحبه يهديني بكلامه من بعد ماشكيت له متضايقه صار بس طالع ولا اهتم بموضوع تعبي وضيقتي ولاسالني واهتم الايام اللي بعدها فالدوام
طيب برساله تطمن مابتكلفه شي المهم انه وصلت معي وارسلت له كيف ماتتطمن ع زوجتك وترسل لو شي بسيط قالي بكيفي مو بكيفك مالي نفس اكلمك واطمن عليك قمت ارسلت دعيت عليه
وهو مسكها علي ليش تدعين
ولي اسبوع فبيت اهلي ولافكر يسال متى بتجين ولاحاجه وهو كذا نفس عادته مايسال
اش اسوي بنات هل انا مكبره السالفه مايحق لي يسال عني ويطمن علي لو برساله
وفيه شي ثاني ماعمره تذكرني لابهديه ولابورد مره فيه جفاف واسلوبه حاد فكل شي انصحوني
والمشكله مابغى ارجع بيتي بدون لايكلمني