وش اسوي معه

السلام عليكم
صيام مقبول وأفطار شهي 
حبيباتي فيه موضوع مضيق صدري
زوجي مديون هاالفتره 
ومتعود يسافر كثير طبعه كذا 
يعني لو يجلس شهرين بالبيت مستحيل يتحمل يبدا يتمقرص ويدور حوالين نفسه يفكر في مكان يسافر له يا مع اخوياه يعني الوحده ولا معاي بس بالمقابل مايعترف بالاماكن الحلوه اللي بالرياض ولا المطاعم ولا الكفيات يعني في مدينتنا مستحيل يفكر يطلعني عشاء برى ولا نتمشاءً
المهم قبل لان ماديته ممتازه كنا نسافر سفرات على مستوى وطيران ودلع يعني دبي تركيا اندونيسيا
الحين يقولي بعد العيد باخذلكم جوله من الشمال للجنوب حول المملكة وانا من قال كذا ضاق خلقي يعني يدور على كل مكان بالمملكة من عرعر التبوك للجنوب الباحة وابها 
وانا مالي خلق اجامله وقلتله كم معك للسفره قال 5 الالف وناكل بالحدائق العامه نغير جو 
وبياخذ اهله معه 
والله يااخواتي داقه علي اخت زوجي تتشكى هي ماتزوجت
ونفس تفكيري تقول وش له هاالتعب ماله داعي احنا نبي مكة نصوم فيها في رمضان وزوجك خرب علينا بسفرته البايخه كلها خطوط تقل قطاعين طرق 
كلميه يكنسل وبعدين زواج اخوي قبل سفرته بيومين وكمان زواج اخوها مو نفس المدينه يعني يبيلها سفر  احس مو وقته ابد واساسا مالها داعي ذا السفره اللي كلهاتعب كلمي زوجك يكنسل الرحلة كلمت امي وابوي متقبلين انهم يروحون مكة وانتي الباقي عليك تكلمي زوجك
كلمت زوجي وعصب وقال وش اجلس اسوي بالرياض اروح ادور بالسياره على مدن المملكة ابركلي
قلتله نروح الشرقيه اسبوع وبلاها التنقل من مكان المكان وعصب 
هو فيه انانيه لانه هو يبي ذا المكان لازم كلنا نخضع  له وانا مافيني شده اعانده شغلة اني ادور بين مدن المملكة عشرين يوم تعب علي وعلى بناتي صغار وهو ماهمه الا نفسه 
وشالحل معه كيف اتصرف 
الصراحه اصدقائه بالاستراحه ناوين يروحون صلاله 
بنفس الفتره اللي بيدور فينا في مدن المملكة
قلت لو اقترح عليه يروح معهم ويفكنا من فكرته اللي ماوراها الاالتعب تأيدوني 
لاني عارفه لو رحنا بس حق التعب ماراح ننبسط