مثل ماقالن الأخوات ، قولي أهل زوجي أهلي ، و أهلي أتمنى لهم أفضل من اللي عندي الله يهنيهم ، و أنا عيني مليانة الحمد لله ، و أهم شي رضا الله وراحة البال و المحبة ، أما المطبخ يجي بداله مطابخ الله لايحرمني زوجي ... و من هذا القبيل :)

الحمدلله بما ان زوجك ماشاء الله بارك الله يسوي لك اللي تبغينه " بدون ما نتكلم عن اللي يسويه لاهله "
هنا يكون ذوقك هو الفيصل
يعني حطي موديلات وحركات وتفصيلات تناسب المساحات الصغيرة عندك
اختي اشتروا بيت على قدهم وصراحة مره صغير دور واحد
وكانت كلما عزمتني شلت هم اقول يوه وش يجيبني بيتك الصغير تعالي بس بيت اهلي ونشوف بعض كلنا وهي عندها ماشاء الله بارك الله 6 بينهم شباب وصغار واشيل هم الزحمة اذا فكرت
ورحت لها مره عندها اجتماع
وماشاء الله بارك الله يا انها مستغله المساحات بطريقة انيقة وجميلة وطالع بيتها تبارك الله جنة
حطت الالوان اللي تناسب مساحاتها واستغلت الموديلات وكنت اشوفها تتعب مره يعني طول وقتها تبحث وتدور وعلى قوقل وتسال وتطلع مع اخواني اذا زوجها ماعطاها وجه او مع اوبر وكريم واطفالها الصغار وتتفرج
بس تبارك الله طالع مرتب مره
فمهما اللي بيصير مستقبلا فكري باللي يناسب مساحاتك والموديلات المناسبة والغير تقليدية ودوري دائما الالوان الفاتحة تراها تعطي نظرة للبيت وانت بشوي اكسسورات تطلع كلها اناقة
وبعد قللي من الاثاث بس خليه عملي لان بيتك صغير

لا تصيرين حساسة عاد ،، مافيها شي لو طلع مطبخ خالتك احلى لأنه كبير واخته لو قالت لك ان مطبخك احلى كان زعلتي كنها تستهبلك ... طالما انك حتى انتي شايفةًمطلخ خالتك احلى فتقبلي رأيها وان كان فيه ثقل دم ... ببرود قولي لها لأن مطبخهم اكبر يصير اشرح واحلى ،،
وحتى لو كانت تتقصد استفزازك فلا تخلينها توصل لهدفها .. بردي اعصابك ولا يبان عليك قهر او توتر التطنيش يقهرها هي ومع تكرار المواقف اللي ماهزت فيك شعرة هي تبطل تستخدم هذا الاسلوب

لا تحقدي ولا شي شكل تبي تخرب علاقتك باهل زوجك طنشي وامدح مطبخ اهلها وقولى عمتى تستاهل افضل لا تخليها تستفزك ولاتكرهي اهله ممكن هي غيرانه لان انها تحبك وتمدحك وابي تفتت الله اعلم. خليك ذكيه وعاقله والله يعينك عليها. الطنش يمدحونه..

طنشيها ومب لازم تشوف الشي كل مازينتووه كان رديتي وقلت المطبخ حقكم كبير اكيد ف ق عن حقي لانه صغير