ادي الواجب وبس

ايه ياقلبي لازم تعطين زوجك القصة كامله حتى يكون عارف
قبل هم مايقولونها بطريقتهم الخاااااااصه واللي بتترك اثرها على زوجك
احرصي تقولين كل شي لزوجك إذا فيه مثل كذا لأنه لازم يتكلمون عنده عن السالفه بطريقتهم
وزي ماقالوا خلي زوجك يدق ويطلبها لك ( قولي والله ماأصبر اكلم الناس وابارك لهم واختك لا ليش ماهي عمة عيالي ؟؟؟)
واشكال هالناس كثيييييييييييييييييره والتطنيش لهم افضل من الركض وراهم
(الكلب يلحق لاطمه ) هم يلحقون ويحبون اللي يكون عنده قوه في كلامه ومايحب الا نفسه
وسلامتك ياحلوه

الهروب الكبير كلامك 100% صحيح
الله يعينك

والله ياعسل الموضوع مومستاهل ..

حقك على زوجك ليش ماقالك أن أخته ولدت ..؟؟!!

وهو زوجك لو يعرف إنك مهتمه تقومي بالواجب ناحية اخته صدقيني ماكان تأخر ..لكن هو عارف إنك مومهتمه ..

لهم حق صراحه يزعلون من حركتك ..

ثاني شيء ..التمس لأخاك سبعين عذرآ ..هذي نفاس الله وحده أعلم كيف ضروفها وقت مااتصلتي ..وانتي عارفة إنها والدة قيصري ..

أحسني الظن وأحملي لها على سبعين عذر ..يمكن كان الجوال بعيد عنها ..يمكن مااحد قالها إنك أتصلتي ..؟؟

يمكن تعبانه ولاتقدر تكلم ..ولاتخلي الشيطان يوسوس لك ..

بعدين ماله داعي الحقد ياقلبو ..خلاص أم زوجك صالحت بينكم ..,وتصافيتوا ..ليش تكبرينها ..؟؟

الحاجه اللي بنفسك كان حليتها معاهم ..وريحتي خاطرك ..أما شغل النفاق من وراهم بوجه وقدامهم بوجه مايصير ياقلبي ..

إذا والله بتروحين للنــــــاس ..ومن أجل الناس ..وإتقاء لكلام الناس ..فأنا أنصحك ماتروحين ..

لأن الناس محد مرضيهم بكل الحالات ..وطالما نيتك موصافيه فبتروحين بنكد وترجعين منهم بنكد ..لأن الشيطان مازال يوسوس لك ويكبر لك التوافه ..حتى تشوفيها منهم كالجبال ..


وإذا والله تقولين أنا أبغى أجر زيارة المريض ..وزيارتي أبغاها لله عزوجل ..ماابغى للدنيا منها نصيب ..فروحي لهم ..وربي والله يوفقك وبيصفي قلبك منهم ..وبيطرح البركة في زيارتك

وخذي هديه ..وقومي بواجب الزيارة ..المتعارف عليها عندكم
ولاتقدمي الا الطيب مصيرك تولدين وتتذكرين موقفك معاهم ..

ويابخت من نام مظلوم ولانام ظالم

ولاتنسي اجر زيارة المريض " إن الله عز وجل يقول يوم القيامة : يا ابن آدم مرضت فلم تعدني ، قال : يا رب كيف أعودك ؟ وأنت رب العالمين ، قال : أما علمت أن عبدي فلانا مرض فلم تعده ، أما علمت أنك لو عدته لوجدتني عنده ؟ يا ابن آدم استطعمتك فلم تطعمني ، قال : يا رب وكيف أطعمك ؟ وأنت رب العالمين ، قال : أما علمت أنه استطعمك عبدي فلان ، فلم تطعمه ؟ أما علمت أنك لو أطعمته لوجدت ذلك عندي ، يا ابن آدم استسقيتك ، فلم تسقني ، قال : يا رب كيف أسقيك ؟ وأنت رب العالمين ، قال : استسقاك عبدي فلان فلم تسقه ، أما إنك لو سقيته وجدت ذلك عندي " .

والله هذا خير لك من الدنيا ومافيها ..

الله يصلح الحال