ربما كان السبب من الصحبة السيئة تحروا عمن يصادق فقد يكون يقلدهم في تركهم للصلاة
كما أن مرورهم بسن المراهقة و ما فيها من تغيرات جسمية و نفسية و شعورهم بأنهم كبروا فيبدأون بالتمرد على الأهل كإثبات للشخصية
وفي هذه الحالة ومن تجربتي الشدة لا تنفع و لنا في رسولنا الأسوة الحسنة في التعامل بالرفق و اللين
هدانا الله و إياكم و أصلح ذرياتنا و ذريات المسلمين

الله يهدييهم
نفس مشكلة اخوي وهو عمره 22 الله يهدييه ياااااااااااارب
ولا نقدر نقول من اصحابه لان اصحابه يصلون

الله يهدييييييييييه يارب

اختي باقوللك على تجربتي مع اخوي.....
اخوي كان يصلي بالمسجد ومايترك فرض ثم سبحان الله فجأه تغير على امي مع انه كان يطيعها وتغير على الصلاة ماعاد يروح المسجد ويجمع الصلوات يعني ماعاد يهتم الصلاة بوقتها ويصلي بالبيت . ماندري وش السالفه بس اكتشفت يوم ذكرت لي وحده ان ابوها يمدح اخواني انهم احسن من عياله ويصلون بالمسجد ووو ، المهم اني عرفت السالفه فيها عين لأن التغير حدث فجأه ، تابعت مع الاخوات هنا بالمنتدى قراءة سورة البقرة يوميا وصرت احيانا اقرأ على جيك ماء واخلي اهل البيت يشربون منه كلهم ، وحطيت ورقة مطبوع فيها ( مراتب الناس في الصلاة ) بمكان واضح بالبيت يمر عليها اخوي غصب يعني بيشوفها بيشوفها مافيه مجال لأنها بطريقه وهو رايح وهو جاي ، وندعي له انا وامي والحمدلله حالته في تحسن صار تعامله مع امي احسن بكثير صار من يجي يحب راسها ويسولف معها وصار يروح يصلي بالمسجد . وشريت له عطر غالي هديه وغلفته وعطيته اياه وحليت كلامي معه ومن بعدها تعالي شوفي تعامله معي يحس اني اهتم فيه وكل مابغا شي لقاني معه اسانده . اهم شي يحس الشاب ان اهله يهتمون فيه حتى لو غلط يلقى من يحتويه ويحس فيه ولايعاتبه لأنه عارف انه غلطان بس مايبي يعترف .
أتمنى ان تجربتي تفيدك والله يهدي اخوك ويهدي شباب المسلمين .

صمت الاحزان...

اعانك الله عزيزتي وهدى اخيك الى طريق الحق ,,آمين,,

لن اضيف اكثر مما قلنه اخواتي هنا,,,

شكرا...